هل انسحبت ياسمين صبري من مسلسل بسبب غادة عبدالرازق؟.. الأخيرة تجيب

كشفت الفنانة غادة عبد الرازق، حقيقة إنسحاب الفنانة ياسمين صبري، من مسلسل بسبب أنه من بطولتها، موضحة أن هذا الأمر لم يحدث.
اقرأ ايضًا.. صور.. أول ظهور لغادة عبد الرازق وزوجها من عطلتهما الصيفية
وقالت غادة، خلال لقائها مع برنامج "كلام الناس"، المذاع عبر فضائية "ام بي سي مصر"، الخميس، إنها عرض عليها مسلسل مع ياسمين صبري، موضحة أنها وافقت عليه وقالت عن ياسمين إنها ممتازة وشاطرة وأحبها.
وأوضحت أن سبب توقف المسلسل، عدم اكتمال النص، متابعة: "ده علشان يتظبط ويتم إنتاجه يحتاج إلى سنة ونص، وقلنا السنة الجاية لو في نصيب هنشتغل مع بعض، ولو مفيش يبقى خلاص".
وتابعت: "محصلش الكلام اللي أتقال بانها رفضت العمل معي وطلبت أن يكون العمل من بطولتها فقط"، مؤدة أنها ليس لديها أي مشكلة في العمل مع أي فنان.
وعن سر عدم مشاركتها في موسم
دراما رمضان 2022، بأي مسلسل، لأول مرة بعد 14 سنة، أكدت أنها لا تخاف أن يأخذ أحد مكانها، مضيفة: "سايبة الملعب السنة دي لناس تانية غيري تتواجد فيه، وكمان استراحة محارب، وعايزة اتفرج من بعيد علشان أعيد حساباتي شوية".
وتابعت: "الحسابات الموجودة دلوقتي اختلفت وحاسة أن ده مش رمضاتن اللي متعودة عليه، بس يعني بتفرج من بعيد وسايبة الدراما لغيري شوية، التمثيل مبيخلصش".
وعن تخوفها على مكانها في الدراما المصرية بسبب غيابها، قالت: "محدش يقدر ياخد مكاني"، لافتة إلى أنه يعرض عليها أعمالًا فنية ولكنها رفضتها.