بتفرج عليهم وهشوفهم هيعملوا إيه.. رأي صادم من غادة عبد الرازق عن دراما رمضان 2022 | فيديو

قالت الفنانة غادة عبد الرازق: "لأول مرة منذ 14 سنة أغيب عن دراما رمضان وسايبة الملعب السنة دي لناس غيري تتواجد فيه واستراحة محارب لأن الجو العام اختلف والحسابات اختلفت وحاسة أنه مش هو ده رمضان اللي متعودة عليه السنين اللي فاتت، وبتفرج من بعيد وسايبة التمثيل شوية والدراما لغيري ودايمًا كنت بقول كلمة زمان أن التمثيل مبيخلصش".

رفض أعمال فنية
وتابعت خلال لقائها ببرنامج "كلام الناس" المذاع على قناة "mbc مصر": "محدش عرف يأخد مكاني، بيتعرض عليا أعمال وبرفض لأن هما متخيلين أنها مش لاقية شغل وده مش صح، والإنتاج لنفسي مش عيب وطبيعي".
موقف غادة عبد الرازق من دراما 2022
وأضافت غادة عبد الرازق: "أنا قاعدة السنة دي علشان نفسي أتفرج عليكم، وأشوفهم هما بيعملوا إيه، ومحدش فارق معايا مين يزعل ومين ميزعلش، وللأسف لما أنا زعلت محدش وقف معايا، أنا اللى عايزاه يزعل عليا جمهوري وأنا أزعل عليه".
غادة عبد الرازق ضيفة "كلام الناس" على MBC مصر
غادة عبد الرازق تتألق بالأسود في أحدث جلسة تصوير
وشاركت غادة عبد الرازق الجمهور مجموعة صور لخطوبة ابنتها، وعلقت قائلة: "تهانينا حبيبتي روحي كل شيء في هذه الحياة.. أتمنى أن تعطيك الحياة القادمة كل ما تريدين لأنك تستحقين.. أحبك كثيرًا".
وفي سياق آخر كشفت الفنانة غادة عبد الرازق لأول مرة عن سبب عدم حضورها المهرجانات المختلفة التي تُقام في مصر.
وقالت "عبد الرازق" أثناء لقاء سابق لها في برنامج MBC Trending: إنها لا تحب التواجد في المهرجانات؛ حيث أوضحت قائلة: "الناس في منتهى الاحترام وبيعزموني.. بس هي تركيبة شخصيات، وأنا مش من الشخصيات اللي تلبسيها وتقولي لها أمشي على الريد كاربت".