غادة عبد الرازق: اتضحك عليا في ملايين.. وحاجة زعلتني قبل رحيل خالد صالح |فيديو

قالت الفنانة غادة عبد الرازق: "اتضحك عليا في ملايين من 5 سنين لحد دلوقتي قضايا وشيكات، ومش عارفة أخدهم".

مشكلة في الوسط الفني
وأضافت خلال لقائها ببرنامج "كلام الناس" المذاع على قناة "إم بي سي مصر": "فيه فنانين بيدوا فلوس لمخرجين علشان يخرجلهم عملا أو مسلسلا".
قيمة يوسف شاهين
وتابعت: "كان نفسي أشتغل مع الأستاذ يوسف شاهين لأنه قامة واشتغل مع نجوم عباقرة، وتمنيت أعرف رأيه فيا وأسمع نصيحته، إلى جانب الأستاذ الراحل عاطف الطيب".

سمة سمية الخشاب
وعلقت على صورة سمية الخشاب، قائلة: "بحبها جدا ودمها خفيف وأكتر واحدة كانت بتضحكني في مسلسل الحاج متولي، وكنا مسميينها مراية علشان بتحب تبص كتير في المراية".
رحيل خالد صالح
وعلقت على صورة الفنان الراحل خالد صالح، قائلة: "كنت أعتبره في منزلة خليل أخويا الله يرحمه، ومن الحاجات اللى زعلتني أنه كان في المستشفى وأنا كنت مسافرة تاني يوم الصبح أسوان وصحيت أركب الطيارة لقيت تليفون بخبر وفاته، وزعلت أنى ملحقتش أسلم عليه، كان إنسان جميل ومحترم وجدع وراجل ومتطلعش العيبة من بوقة".

وقالت الفنانة غادة عبد الرازق في نفس اللقاء: "لأول مرة منذ 14 سنة أغيب عن دراما رمضان وسايبة الملعب السنة دي لناس غيري تتواجد فيه واستراحة محارب لأن الجو العام اختلف والحسابات اختلفت وحاسة أنه مش هو ده رمضان اللي متعودة عليه السنين اللي فاتت، وبتفرج من بعيد وسايبة التمثيل شوية والدراما لغيري ودايمًا كنت بقول كلمة زمان أن التمثيل مبيخلصش".

رفض أعمال فنية
وتابعت: "محدش عرف يأخد مكاني، بيتعرض عليا أعمال وبرفض لأن هما متخيلين أنها مش لاقية شغل وده مش صح، والإنتاج لنفسي مش عيب وطبيعي".

موقف غادة عبد الرازق من دراما 2022
وأضافت غادة عبد الرازق: "أنا قاعدة السنة دي علشان نفسي أتفرج عليكم، وأشوفهم هما بيعملوا إيه، ومحدش فارق معايا مين يزعل ومين ميزعلش، وللأسف لما أنا زعلت محدش وقف معايا، أنا اللى عايزاه يزعل عليا جمهوري وأنا أزعل عليه".
وشاركت غادة عبد الرازق الجمهور مجموعة صور لخطوبة ابنتها، وعلقت قائلة: "تهانينا حبيبتي روحي كل شيء في هذه الحياة.. أتمنى أن تعطيك الحياة القادمة كل ما تريدين لأنك تستحقين.. أحبك كثيرًا".
غادة عبد الرازق: العين فلقت شعري.. وهذا رد الدكتور لما سألته عن السبب | فيديو
غادة عبد الرازق: اللي مرتبطة بيه دلوقتي كنت متجوزاه زمان وعرف يغيرني |فيديو
وفي سياق آخر كشفت الفنانة غادة عبد الرازق لأول مرة عن سبب عدم حضورها المهرجانات المختلفة التي تُقام في مصر.