بكيت وصليت ودعيت ربنا.. لبنى ونس تكشف كواليس أول مشهد لها بعد العودة للتمثيل

قالت الفنانة لبنى ونس: "من وقت ما قررت ابتعد وانقطع عن الفن منذ سنة 1998 بالتحديد وأنا لغيت التليفون الأرضي لأني أنا كنت ضعيفة جدا، وقررت ألبس طرحة وغيَّرت استايل لبسي ولبست عبايات علشان أعيش الموضوع برمته بعيدًا عن الفن".

السبب وراء الانقطاع عن الفن
وأضافت خلال لقائها ببرنامج "الستات" الذي تقدمه سهير جودة بقناة "النهار": "انقطعت عن الفن وركزت على تربية ولادي وأطلع عندهم القيم والأخلاق والدين".

فترة الابتعاد عن التمثيل
ولفتت: "قطعت كل علاقتي بأصحابي والناس وكنت مفيش حاجة في حياتي غير ولادي وبيتي وأهلي، وانقطعت تمامًا، وفيه ناس افتكرت أني هاجرت، ووقتها ارتديت الحجاب علشان مضعفش في العودة للفن، وآخر مسلسل نزلت اشتغلته كان مسلسل "حدائق الشيطان" مع ماجد الخطيب وكنت بتعذب فيه عذاب شديد لما كنت باخد آية وعمر ولادي معايا وأسيبهم في أوضة التصوير ويعيطوا ويقولوا سكتوا الطفل اللى بيعيط، وقتها قلت لازم أكون مسئولة عن تربية ولادي وبس".
سبب العودة للتمثيل
وتابعت لبنى ونس: "قررت أخرج من عزلة أو اعتزالي الفني والعودة مجددًا للتمثيل لما ولادي كبروا وبدأوا يدخلوا في الفن وفضلوا يزنوا عليا أني أرجع أمثل تاني ويقولوا لي إنتى ممثلة شاطرة جدا ولازم ترجعي، وإنتي موهوبة، فقلت لهم خلاص هرجع تاني، وأنا أصلًا كنت طول الوقت نفسي أرجع أمثل لأني بحب التمثيل وفكرة أني أعيش شخصية غير شخصيتي بتسيطر عليا، وأنا بحب أعيش الشخصية".
مدحت العدل عن اعتزال توفيق عبد الحميد: لو اتعرض عليه دور عجبه هيرجع يمثله | فيديو
بعد إعلانها الاعتزال والتفرغ للعبادة.. إلهام شاهين تهاجم آثار الحكيم | فيديو
كواليس أول مشهد بعد العودة من الاعتزال
واستطردت: "أول مشهد درامي لي بعد العودة كان مع غادة عبد الرازق كان من خلال مسلسل "الخانكة" وكواليس المشهد كانت غريبة واترشحت له ومحدش يعرف أنى رجعت من الاعتزال تاني، وكنت رايحة مستشفى اليوناني ومحدش يعرفني وسألت عن مدير الإنتاج مكنتش لقياه، فقلت لهم أنا عندي مشهد الست اللى قتلت ابنها وداخلة مستشفى المجانين، فالبنت الإستايلست قالت ليا إنتى اللى جاية تعملى الست اللى قتلت ابنها غيري بسرعة في الحمام وانزلي تحت، فقلت لها حاضر وأنا متضايقة، ودخلت وخلصت وخرجت صليت العصر وعيطت ودعيت ربنا وقلت يا رب أنا بعدت علشان ولادي ورجعت علشان ولادي وأنا بحب ولادي، وقلت ليه يا رب لو أنت عايزني أكمل فيها أعطيني إماراة وعليني، وخلال التصوير مكنشت فيه ستوب والتصفيق كان لي كان بيهز المستشفى، وغادة عبد الرازق كانت منبهرة وقالت لي إحنا كلنا عيطنا معاكي".