الصفحات الثورية تتحول للسخرية ابتهاجا بعزل مرسي

فرحة غامرة سادت شباب "فيس بوك" بعد خلع مرسي.. التعليقات الساخرة سادت الصفحات الثورية ابتهاجا بعزل مرسي، "فيتو كافيه" رصدت أبرز تعليقات الشباب..
محمد عادل: ليه يا مرسي كده يا مرسي.. بتعيط ليه دلوقت.. ما انت اللى عصبتني يا أخي
كريم الشريف: خطابات عدلي منصور مبتضحكش.. ارجع يا مرسي إحنا كنا بنهزر معاك
عماد السافوري: إحنا ممكن نعاقب مرسي بإننا نديله استمارات ونخليه يرجّع كل استمارة لصاحبها
الشينيرال: الرئيس اللى ياخدها بزيت وسكر أكيد هتنتهي معاه بعيش وحلاوة
رامي عبد الفضيل: إحنا بقينا شعب بيتكيف ويتبسط ويتمزج بخلع أي رئيس
تامر سليم: رجعناه بعد سنة.. قبل ضمانه ما يخلص
محمد منصور: والحمد لله إحنا في السليم دي عيوب المصنع
حمدي الدودج: سأفتقد خطابات مرسي.. أول ستاند أب كوميدي مدني منتخب
عادل عبد الوهاب: أول مخلوع مدني منتخب
أحمد حامد عبد الغني: 368 يوم تعاسة
نور الدين عبد الحمد التوني: عصر اللمون وعصر النهضة والعصر الطباشيري
محمد جمعة: أول شعب في التاريخ عنده رئيسين ديكتاتوريين مخلوعين ورئيس مُعين ورئيس هينتخبه كمان كام شهر جميعهم على قيد الحياة.. سينحني لكم التاريخ إعجابا
رائف الجميل: يعني يخلعوك وميقولوش اسمك في البيان ولا مرة.. يا كبدي.. طب مش قايل اسمك في البوست
إبراهيم الجارحي: مفروض سجن وادي النطرون يفتح الزنزانة ويهويها ويغير الملايات وكساوي المخدات
محمد فاروق: بعد ما مرسي بيته اتخرب هندعي بخراب بيت مين بعد كده؟؟
غادة عبد الكريم: تعرف اللي محزني ودخّل القهر جوه قلبي.. إن لما صباع رجلي الصغير يتخبط في الكومدينو مش هعرف أقول تاني الله يخرب بيتك يا مرسي
رحاب حسن عبد الرءوف: الإخوان كانوا بيعايروا بتوع الحزب الوطني ويقولولهم يا فلول.. الإخوان الآن كلهم فلول
شادية عبد الحميد: طب اللى بيموت بيلبسوله أسود.. واللى بيتحدد إقامته ده يلبسوله إيه؟؟ أديداس؟؟