STATUS&TWEETS

حمدي الدودج: المصرى هو الوحيد اللى جواه محلل رياضى وفقيه دستورى وخبير أرصاد وأخصائى طب نفسى ومفتى ديار وبطريرك صغيرين، بيطلعوا أول ما يقعد مع مصرى زيه..
باسم قناوي: سواقين الميكروباصات والتكاتك يحتفلون بالألعاب النارية في ميدان التحرير وموقف عبود لفوز الفنان مصطفي كامل بمنصب نقيب الموسيقيين..
حمادة السوهاجي: رغم مرور سنتين على وجود اللاعب دومينيك في الأهلي إلا أن لحد دلوقتي الجهاز الفني ما قدرش يقنعه إنه ما ينفعش يعدي من جوه بطن المدافع!
..
الشارة: الوايت نايتس بوظوا مؤتمر العامري.. معذورين.. أنا قولت برضوا استحالة ذكري الستة واحد تمر عليهم مرور الكرام كده!..
حسام شريف: نفسي أشوف جملة "صنع في مصر" مكتوبة علي أي حاجة غير سجاير الكليوباترا وقواعد التواليت!...
إحسان الفداوي: إعصار في جمصة؟.. إعصار اللي هو إعصار، اللي بيلف أبو دوامة ده ؟.. مرسي فاضل له بركان ويبقي شوفنا في عهده كوارث الدنيا..
الشينيرال: من وحى امتحانات آخر السنة..
*اختر الإجابة الصحيحة*..
تعتبر جماعة الإخوان المسلمين: 1-جمعية خيرية 2-جمعية تعاونية.. 3-جمعية وأنا اللى هقبضها الأول..
باسم قناوي: إحنا مفتقدين حدثين مهمين أووي يا جماعة، إن الملثم يفجر خط الغاز، وأن علياء مهدي تقلع لبسها..
رامي نور الدين: تمتلك مصر نصف مخترعي العالم وتحتفظ بهم في مكان سري للغاية في مبنى وزارة التربية والتعليم مكتوب عليه "لجنة وضع امتحانات الثانوية العامة"..
عائشة منصف: كلية الحقوق لو حلال أدينا اتخرجنا منها.. ولو حرام فإحنا دخلنا زي ما خرجنا منها..
لمياء حسونة: زمان مصر دلوقتي بتزعق في الدول الأوروبية وبتقول لها: مين الحيوان اللي فتح الشبابيك؟.. أنا لسة منضفة!..
منيرة الفاتح: عارف يا بوب إيه اللي زود الخلاف؟، ملقتش بينك وبين شرارة اختلاف. ... ما ذنب المسكينة أنجلينا؟، ما ذنب العدادات؟! بوسة_البوب_لأنجلينا..
أبو نسمة الأسطورة: اختفاء 7 قطع أثرية من متحف الفن الإسلامي.. شعب متدين بطبعه وصابعه..
محمد الصاوي: بيقول لك الجراد قضي علي مزارع الحشيش والبانجو في سينا.. ابن اللذينا شكله اتكيف واتسطل..