سمية الخشاب عن تقديم دور مثلية جنسية: "ليه لا.. دول منتشرين في العالم" | فيديو

كشفت الفنانة سمية الخشاب، عن رأيها في تقديم أدوار عن المثلية الجنسية على منصة كبيرة أسوة بمشهدها المثير مع الفنانة غادة عبد الرازق في فيلم "حين ميسرة".

المثلية الجنسية
وقالت سمية الخشاب خلال الجزء الثاني من لقائها ببرنامج "حبر سري" المذاع على قناة "القاهرة والناس": "المثليين كتروا وانتشروا في العالم بشكل غير طبيعي، وكتير جدًّا من الأفلام اللي بتتعرض على المنصات بتتناول الموضوع ده بشكل غير طبيعي".
موضوع هادف
وأضافت: "أنا بالنسبة لو فيه موضوع عن المثلية الجنسية بشكل هادف وبينصح وبيوجِّه الشباب الجديد أن الحاجات دي منافية لعاداتنا وتقاليدنا وديننا أكيد هعملها".

حدود الفن
وتابعت: "الفن ملهوش حدود طالما موضوع هادف في نطاق عاداتنا وتقاليدنا، وممكن تقدمي موضوع دون أن تجرحي مشاعر المشاهد، وهذا يعتمد على مخرج شاطر وورق كويس".
خبيرة تبلغ سمية الخشاب بمحاولة أذيتها بالسحر.. والفنانة: مبخافش لأني مع الله | فيديو
"ممكن تقبلي تكوني زوجة تانية".. سمية الخشاب تجيب | فيديو
أخبرت خبيرة تاروت، الفنانة سمية الخشاب، في الجزء الأول من نفس اللقاء"، أن هناك شابًا جميلًا عمره 40 إلى 45 عامًا يحاول يعمل سحرًا لها.

سحر سمية الخشاب
وعلقت سمية الخشاب: "اللي طاقته طاقة النور مينفعش معاه السحر، والحمد لله أنا عندي طاقة نور، إحنا أقوى كتير من السحرة والمشعوذين لأننا مع ربنا".

سر سمية الخشاب القديم
وأضافت سمية الخشاب: "أنا دايمًا بتأذي بموضوع الأسحار والأعمال، وكنت زمان بتأثر بيها لكن دلوقتي لأ".
على جانب آخر، وجَّهت سمية الخشاب لجمهورها نصائحَ خلال لقائها في برنامج كلام الناس، وقالت: "احترمت نفسي وبقيت أهتم بصحتي، وأملى بطني بطبق السلطة عشان أشبع، قبل كده كنت بضرب مكرونة بالبشاميل ومحاشي زي ما قلبك يحب".
وتابعت سمية الخشاب: "أنصح كل الناس إنهم في الشتاء ياكلوا كوارع وخصوصًا الرجلين الأمامية للبقرة، هاتوها واغسلوها كويس جدًا، وادخلوا على موقع يوتيوب هتلاقوا طرق كتيرة جدًا للكوارع، مفيدة جدًا لو بتشتكوا من آلام الظهر والعظم والمفاصل، وكلها كولاجين، وحلوة قوي لِوِشُّكُم".
وكانت قالت الفنانة سمية الخشاب: إن السيدة التي "يخونها" زوجها ولا يكون لها رد فعل فإنها تستحق أن "تُخان" مليون مرة، معبرة عن اندهاشها من السيدات اللاتي يمسكن بهواتف أزواجهن لمعرفة ما به، مؤكدة أن أولئك السيدات أنها إذا عرفت شيئا عن زوجها فهناك أمور أخرى لن تستطيع معرفتها.

رسالة سمية الخشاب للسيدات
وقالت سمية: "مفيش ست تستاهل الخيانة، لو هي مقصرة يطلقها ويشوف غيرها"، وكتبت سمية الخشاب تغريدة على تويتر: "لو اتخانتي مرة وعديتيها يبقى تستاهلي تتخاني مليون مرة".
ووجهت رسالتها للسيدات قائلة: "مش عارفة ليه كتير من الستات بيبقوا فاكرين نفسهم أذكياء وبيمسكوا موبايلات جوازهم وقال يعني معاهم الباسورد يعني كده هو مبيلعبش بديله، حبيبتي لو مسكتي عليه حاجة في 50 حاجة تانية مش هتعرفيلها طريق".
لا تستحق الخيانة
وأضافت: "يعني نسبة كبيرة من الرجالة بيخونوا إلا من رحم ربي، والمشكلة بيبقوا معاهم ستات أحلى من اللي بيخونوهم معاها".