سمية الخشاب تعلق على واقعة المعلمة الراقصة على المركب: «الجهل كارثة»

علقت الفنانة سمية الخشاب على واقعة رقص المعلمين خلال رحلة نيلية، ما نتج عنه إحالتهم للتحقيق، وبعد إصدار قرار بإيقافهم.
وكتبت سمية الخشاب، منشورًا عبر موقع التغريدات القصيرة "تويتر"، وقالت: لو كل إنسان اتلهي في نفسه والله هننهض، حسبي الله ونعم الوكيل في اللي صورها وخرب بيتها، انشغلوا بنفسكوا بقى كلكم عيوب.. والله الدين مين اللي نزله؟ ربنا ولا البني آدمين؟، ربنا يبقي اللي يحاسب ربنا مش شوية بني آدمين كلهم غلط وعيوب، صلحوا من نفسكم بدل ما تأذوا الناس وتخربوا بيوتهم.
وتابعت سمية الخشاب: أعتقد والله أعلم اللي صورها أما واحدة حاقدة وغيرانة منها أو واحد مريض ونيته سودة وبرضه غيران منها، لو كل واحد يخليه في حاله ويسلك حياتنا حتتغير للأفضل، فعلا الجهل كارثة كبيرة.
على جانب آخر، وجهت سمية الخشاب لجمهورها، نصائح خلال لقائها في برنامج كلام الناس، وقالت:احترمت نفسي وبقيت أهتم بصحتي، وأملى بطني بطبق السلطة، عشان أشبع، قبل كده كنت بضرب مكرونة بالبشاميل ومحاشي زي ما قلبك يحب.
وتابعت سمية الخشاب: أنصح كل الناس إنهم في الشتاء ياكلوا كوارع، وخصوصًا الرجلين الأمامية للبقرة، هاتوها واغسلوها كويس جدًا، وادخلو على موقع يوتيوب، هتلاقوا طرق كتيرة جدًا للكوارع، مفيدة جدًا لو بتشتكوا من آلام الظهر والعظم والمفاصل، وكلها كولاجين، وحلوة قوي لِوِشُّكُم.
وكانت قالت الفنانة سمية الخشاب إن السيدة التي "يخونها" زوجها ولا يكون لها رد فعل فإنها تستحق أن "تُخان" مليون مرة. معبرة عن اندهاشها من السيدات اللاتي يمسكن بهواتف أزواجهن لمعرفة ما به، مؤكدة أن أولئك السيدات أنها إذا عرفت شيئا عن زوجها فهناك أمور أخرى لن تستطيع معرفتها.
رسالة سمية الخشاب للسيدات
وقالت سمية: "مفيش ست تستاهل الخيانة، لو هي مقصره يطلقها ويشوف غيرها"، وكتبت سمية الخشاب تغريدة على تويتر: "لو اتخانتي مره وعديتيها يبقي تستاهلي تتخاني مليون مره".
ووجهت رسالتها للسيدات قائلة: "مش عارفه ليه كتير من الستات بيبقوا فاكرين نفسهم اذكياء وبيمسكوا موبايلات جوازهم وقال يعني معاهم الباسوورد يعني كده هو مبيلعبش بديله، حبيبتي لو مسكتي عليه حاجه في 50 حاجه تانيه مش هتعرفيلها طريق".
لا تستحق الخيانة
وأضافت " يعني نسبة كبيرة من الرجالة بيخونوا إلا من رحم ربي، والمشكلة بيبقوا معاهم ستات أحلى من اللي بيخونوهم معاها".
وعندما سألتها إحدى متابعتها قائلة "واللي اتخانت مرتين وكانت بتعديها؟".