أنا مش أهبل وهعالج عقولهم من الصدى

لقيت واحد إخواني كاتب على صفحته " أمك هتقلع الحجاب.. مافيش صلاة فجر جماعة.. هنقضيها خمرا ورقص البرادعي بقا رئيس الوزارة".. رديت عليه قولتله يبقا هنتهني بقا.. حمدله بالسلامة يا بوب.
محاولتش أرد عليه بالعقل لأني على يقين أنهم معندهمش عقل.. المشكله أن الناس دي صعبانة عليا.. عايشين في كبت وغباء ووهم ملوش أول من آخر.. ما هو مش منطقي أن واحد يطلع يقول إن سيدنا جبريل كان معاهم في رابعة العدوية.. يعني هو كان جاي للإخوان ولا كان جاي لرابعة.. بس ممكن نقول واحد متخلف ورأيه يخصه لوحده.. اللي مش منطقي بجد أنهم صدقوه.
اللي عاوز اسئل عليه.. هل نستطيع أن نعالج الناس دي من غبائهم وضعفهم.. هل الناس دي حقيقي يقدروا يساعدوا نفسهم ومصر في الفترة الحرجة دي من تاريخ الأمة.
أنا نفسي أعيش في وطن الناس فيه كلهم يحبوا بعض ويخافوا على بعض علشان نتقدم ونبقا أحسن.. أنا مش أهبل علشان أحلم بالمدينة الفاضلة.. لكني على يقين اننا نقدر نحلم وننفذ اللي بنحلم بيه.. احنا مصريين يولاد " الإخوان" وبعون الله هنعالجكم ونصلح منكم ونشيل العفن والصدا من أمخاخكم.. انتو عايشين في مصر، أم الدنيا.. البلد اللي ميقدرش عليها حد.