أنا الساكن

مابين خلايا الناس
ما بين ثنايا الجلد والإحساس
أنا الصامت مابين ضجيج الكل
الهارب من الوسواس
والقلب ينزف عشق لترابها
ويرتوي من هوي وناس
أنا ابنها أتولدت في حيها
ومن شوارعها شارب ما ارتوي
قسيت عليا وزادت في قساوتها
ضحكت أنا وقلت
أنا باقي عمري ما اسيبها
زادت قساوتها
زدت أنا في محبتها
هي الأصيلة والأصل في شقاوتها
اه عليها لما تجيني تغني
وأنا على المرسي
صبية جميلة والشط
يغازل أنوثتها
هي الجميلة والعمر منها يزيد
حلاوتها
كل المدن جنبها خطوة
وهي ما أحلي مشيتها
يا مصر قومي وغني
وازرعي وصنعي توبك
واكسي ولادك دا الكل من توبك
انت الكبيرة
وهما رقع على توبك
يا مصر همي ولمي
أبويا مع عمي
دا الفرق بينهم ما شافو بصير ولا عمي
انت الكبيرة وكلهم رقع على توبك