والدة الفنان يوسف عمر تتوعد محمد رمضان بعد إصابة ابنها في تصوير إعلان جديد

توعدت الفنانة لبنى ونس، الفنان محمد رمضان، بعد تعرض نجلها الفنان الشاب يوسف عمر لإصابة بالغة خلال تصوير إعلانه الجديد.
وكتبت "لبنى ونس" عبر صفحتها على فيس بوك: "إذا عملنا كل حاجة طبيعية وحقيقية كنا هلكنا، ولا تلقوا بأيديكم إلى التهلكة.. يعني إذا في مشهد يا أستاذ محمد التمساح بياكلك نترحم عليك ويبقى آخر مشهد في حياتك! في مهنتنا يا أستاذ محمد رمضان وأنت وأنا وكلنا عارفين إن ما يسمى بالنجم استغفر الله العظيم بيتعاملوا معاه في اللوكيشن كأنه إله هو المحور والكل يدور حوله".
تابعت: "هل ممكن تتعرض لما حدث لابني في التصوير معاك، مستحيل طبعا بتعمل أكشن وبتبقى عارف قبلها كل تفاصيله مرة واتنين وعشرة واللي عاجبك بتوافق عليه واللي مش عاجبك بتغيره".
أضافت: "يعنى القنبلة اللي زرعها عصام الوريث لابني تحت منه ومن غير ما يقوله ولا حتى يلبسوا واقي يقدر يعمل معاك كده ليه؟! أنت بني آدم وابني مش بني آدم أنت أغلى الناس عند والدتك ويوسف نن عيني ومافيش أغلى من الضنا حط ابنك مكان يوسف هاتقول برضه كله في حبكم يهون!".
ثم ختمت كلامها قائلة: "بس أرجع وأقول لك ابني ربنا هايجب له حقه من اللي اسمه عصام الوريث ده اللي ميعرفش أبجديات عمله اللي بيستبيح حياة الشباب عشان يحقق الطبيعية المزعومة، الغلط اللي حضرتك بتتكلم عنها حق ابني إن شاء الله هيرجع له مش هاسيبه عشان يبطل سي الوريث ده أنه يستهين بحياة الناس، سؤال بقى لما نموت سيادة النجم هايندفن فين؟ الديان والعدل والحق موجود واعتمدنا عليك يا رب".
محمد رمضان إجازة من موسى
وحصل الفنان محمد رمضان على إجازة لمدة يوم من تصوير مسلسله الجديد موسى المقرر عرضه خلال موسم مسلسلات رمضان 2021، وذلك بسبب إصابته
وتقوم أسرة العمل بتصوير عددا من المشاهد، اليوم السبت، بدون محمد رمضان، بناء على تعليمات مخرج العمل، ومن المقرر أن يعود رمضان غدًا لديكور التصوير.
ويتم تصوير أحداث مسلسل "موسى" داخل أحد الديكورات بمنطقة شبرا منت، والتي تشمل ديكور القرية الصعيدية.
تفاصيل مسلسل موسى
ويلعب محمد رمضان شخصية هجام من المطاريد ويحصل على أموال كثيرة، ويلجأ لهذا العمل بعد المواقف الكثيرة التي يقع فيها في حياته.
وخلال أحداث العمل يتعلق قلب موسى بأحد الفتيات اللاتي تلعب دورها الفنانة سمية الخشاب، والتي تحاول إبعاده عن المطاريد والسرقة.