غنوة لثورة 30 يونيو

الخلايا نايمة جدًا.
إِوْعُوا يِقْلِقها حد.
ولا ديك يِزْعَقْ ويدّن.
ولا زمّارِة ولد.
حِلْمُهُمْ بانت ملامْحُه.
لما ركبوا ع الحصان.
شَعْبِنَا الله يسامحه.
إدَّى للشر الأمان.
من سنة وأكتر شوية.
مصر تحت الاحتلال.
جِه وقَطَّعْ في الهَوِيَّة.
والفنون عنده انحلال.
الخلايا النايمة صِحْيِتْ.
أَلْحَدُونا وكَفَّرُونا.
أَهْدُوا للآخَرْ حدودنا.
وبِرْيال ودولار باعونا.
الكنال فصلوها عنَّا.
سينا أصبحت مِيتْ كمين.
قادوا نار بينها وْما بينا.
لأجل ما تشعلل سنين.
المقاومة حق لينا.
ضد كل الخفافيش.
الجماعة عار علينا.
يوم ما نطردهم نعيش.