بالصور.. نشطاء يسخرون من خطأ الرئيس حول إنتاجية السد العالي من الكهرباء.. وراث: مرسي 8 جيجا.. الميداوي: عايزين نركب للسد فلاشة 16 جيجا.. نعمان: وياترى الرامات كام؟

انتقد نشطاء مواقع التواصل الاجتماعى، "فيس بوك، و"تويتر"، كلمة الرئيس في حواره مع القوى الوطنية أمس الاثنين، أثناء مناقشة قضية سد النهضة، وارتباكه حول إنتاجية السد العالى من الكهرباء في مصر ب 2 جيجا وات بدلا من الحقيقة وهى 2000 ميجا.
وقال Abanob Yonan: "طيب الخط ال512 متعرفش عامل كام".
يوم من عمري: "جيجا ربنا يكسفك يابعيد جاهل وبتفتخر".
herif Elmadawy: "عايزين نركب للسد فلاشة 16 جيجا ونحل مشكلة الكهرباء".
Saso Mahmod: "هو مش عبيط لأن دا إللى ها يحصل بعد سد النهضة ما يخلص".
Hassan Ali: "السد بينتج 750ميجا فقط".
Ahmed Mohamed El Naggar: "هوه قصده على المازر بورد بتاعة السد العالى . يعنى عايز يقول من الاخر إن السد العالى إللى هيفرق بينى وبين شعبى الحبيب بلاه السد".
Marwan Wareth: مرسي 8 جيجا.
وماذا بعد يا مصر؟: هو مش البايت ده بتاع سعة تخزين الكمبيوتر ؟ هو الراجل ده مهندس بجد ؟ حد فاهم حاجة ؟
مينا نعمان: جيجا بايت ! وياترى الرمات كام؟
وائل نصار: طب كويس اننا الشعب الوحيد اللى عنده سد بينتج فلاشات كمبيوتر.
Reem Ahmed: على كدا ممكن نكبر الشريحة ونخليها 8 جيجا ههههههههه .. حد يساعده يا جماعه في الكلام... ماهو إما هو ما بيفهمش او حنا اللى ما بنفهمش.
Elzamnelgamel Moon: جيجا؟؟؟ على كده الكومبيوتر بتاعي أد السد العالي ؟ هو الراجل ده كان دكتور في الهندسة ؟ ولا في التهيييييييس.
Samar Hassaan أحبيبى أمرسى دايما مشرفنا .. اللى نفسى اعرفه حاجه واحدة بس ازاى كان بيحاضر في أمريكا في الجامعة.
Faisal Moh: جيجا بايت ؟؟؟؟؟؟؟؟؟!!!!!!!!!على كده الموبايل بتاعي والكمبيوتر احسن من السد العالي مليون مرة.. ويا ترى الرامات كام ؟؟؟؟؟
Mohmed Othman: دكتور جامعة دكتور جامعة دكتور جامعة.. أراهن أن ماكان ضارب الشهادة دى .. ده منظر واحد ما بيعرفش يقرا ويكتب اصلا.
Kareem Sabry انتو مستغربين ليييه ، يعني ده الطبيعي من مرسي لو قالها.. مرسى بيقول إن السد العالى بينتج 2 جيجا بايت كهرباء !!! عوض علينا عوض الصابرين ياااااااااااااااااارب.