تغزل أصدقاءنا على شبكات التواصل الاجتماعي في ليونيل ميسي مهاجم برشلونة الذي حطم الرقم القياسي لهدافي البلوجرانا عبر كل العصور يوم الثلاثاء. فقد سجل الساحر الأرجنتيني ثلاثة أهداف "هاتريك" في مرمى جرانادا جعلته يتربع على عرش هدافي برشلونة ب234 هدفا وهو لم يتتم عامه ال24 بعد. ويسترجع FilGoal.com شريط الحدث من خلال تعليقات متابعينا على أحد أكبر مواقع التواصل الاجتماعي (تويتر). @FilGoal_Live السؤال هو ميسي هيضحك الناس علي كام واحد — فارس عايش في النضال (@IMido_) March 20, 2012 @FilGoal_Liveيا مسهل .. ربنا يجعلك يا ميسي في كل خطوه هدف و في كل تمريره أسيست و في كل ماتش هاتريك #fcblive — حسام الزاغ (@Elzagh) March 20, 2012 @FilGoal_Live ميسى ده حطم كل الارقام القياسيه عندنا ..ممكن يجيله عقد احتراف عالمريخ يحطم هناك شويه — Abu Karma(@ayman_life) March 20, 2012 @FilGoal_Live ميسي بيجيب كل ماتش لوب .. أنا متأكد أن الواد ده "بلاي ستيشن" مش حقيقي — Sherif Hassan (@Sherif7assan) March 20, 2012 @FilGoal_Live ميسي فاضله ياخد كاس العالم ويقعد في بيتهم ويبقي يقابلني لو حد عمل اللى عمله — Ahmed Mahmoud Ahmed (@Ahmed_Mahmoud25) March 20, 2012 @FilGoal_Live تقريبا كدة ميسي زرار الL1 معلق عنده ! — Hesham Esmail (@Etshhh) March 20, 2012 @FilGoal_Liveاللى لسه بيقول ميسى مبيعرفش يلعب ومش مقتنع بيهيبقى أكيد فاهم معنى الكوره غلط — الجينيص بتاع تويتر (@MohaShawky34) March 20, 2012 @FilGoal_Live لسه رقم الاكثر تسجيلاً فى دورى الابطال !! بيتهيالى راؤول هيقول ضاعت فلوسك "أرقامك" ياصابر :)) — الجينيص بتاع تويتر (@MohaShawky34) March 20, 2012 هو ميسى دا كان بيرضع ايه ؟ باور هورس @FilGoal_Live — ♫ Shikoø viva àlex♫ (@ShikoVivaAlex) March 20, 2012 @FilGoal_Live ياجماعة حد يقول لميسي يبطل هبل كله هاتريك هاتريك مافيش ماتش يجيب جون او اتنين بس — Ahmad Jamal Hemedan (@Ahmad_Hemedan) March 20, 2012 @FilGoal_Live لاعب مكملش 25 سنه و هداف تاريخي للفريق ! السؤال هنا مش هل يتخطى ارقام تانيه ؟ السؤال يكون هل الارقام هتقدر تعد انجازات ميسي !! — Hamed Attia (@HamedAttia) March 20, 2012 @FilGoal_Live اهو ميسي دا لو موجود من 7000 سنه كانوا سموه اله الكوره منك لله يا شيخ كفرتنا — medhat ismail (@medhat_10) March 20, 2012 @FilGoal_Live الحقو ميسي جاب جون مش لوب — Eslam Ibrahim (@eslamibrahim85) March 20, 2012 @FilGoal_Live خدلك حته وسيب لإخواتك حته #مدحت_شلبى_ستايل — أديك تقول ماخدتش (@MohaShawky34) March 20, 2012 @FilGoal_Live ميسى لو بيلعب هاند بول مش هايجيب كل الاجوان دى !!!! — Marwan El Dakar (@marwaneldakar) March 20, 2012 @FilGoal_Live لو ليو ميسي قالوا عنه عادي .... بيكدبوا — حسام الزاغ (@Elzagh) March 20, 2012 @FilGoal_Live ربنا ينتقممنك يا ميسى ...انت قتلت الحلم جوايا..انا كنت مفكر ان انا بعرف العب كوره — Abu Karma(@ayman_life) March 20, 2012 ميسي،أفضل لاعب فالعالم،عاني صغيرا من نقص هرمونات النمو.اليوم يشعر أهم اللاعبين بالنقص أمامه #ميسي #عزيمة #برشلونة @FilGoal_Live — الناصر ضياء الدين (@Diaa_Saltah) March 20, 2012 بالله عليكوا لو حد معاه نمرة ميسى يجيبها عشان عندى رقمين قياسيين مش عارف أكسرهم @FilGoal_Live — Mo'men Eltrawy (@MHTrawy) March 20, 2012 وكان لمقارنته مع الشخصية الكارتونية كابتن ماجد نصيب من التعليقات @FilGoal_Live مش معقول اللى بيعمله ميسى!!! هو ميسى دا حقيقى ولا طالع من كارتون كابتن ماجد (دا ماجد نفسه معملش كده ...) — مصري اصلي حٌر (@mahmoudsedeek) March 20, 2012 @FilGoal_Live إللى يقارن ميسى بكابتن ماجد يبقى بيظلم كابتن ماجد — Mahmoud Hussein (@TwInS_007) March 20, 2012 @TwInS_007 @FilGoal_Live ياجماعه وربنا حرام اللى ميسى بيعمله دا والله دا لو كانو فكرو يعملو كارتون مكانوش فكرو يعملو واحد زيه كدا — mahmoud_elfouly (@mahmoud_elfouly) March 20, 2012 الفرق مابين كابتن ماجد و ميسي ان ميسي بيجيب خمس اجوان فالماتش بس ماجد بيجيب جول فالخمس حلقات@FilGoal_Live — Ahmed (@ahmaarek) March 20, 2012 وأخيرا.. @FilGoal_Live ربنا يحرسك يا ميسي ويبعد عنك بنات الحرام — Ahmed Omar (@Ahmedomar79) March 20, 2012 @FilGoal_Live ميسى لو فى مصر الايام دى كان جمع 80 مليون توكيل فى ساعات — sayed (@sayed3s) March 20, 2012 شارك برأيك.. واختر أجمل تغريدة وسط هذه التعليقات
