"على خطوتين" قصيدة لهبة رفعت

لساك على حدود الحقيقة
اللى معدية البراح
لساك ..مقسماك الجراح
وف كل ملمح
عدت حدود اللا مباح
لساك نهاية ما ابتدتش
لساك صراخ بين الجفون
ينده لحلمك ما يجاوبش
والنوم غمام
ينصب على عيونك مقام الحلم
وانت البصير
لساك أسير
عمال بتنسج فى حكاياته
كرامات مماته
انت الوحيد اللى ف مقامه شيخ ضرير
ولا انت بس..........!!!
اللى لمست النار حرير !
لساك على حدودك ملاك ؟
ولا أنت واصل منتهاك !
وصداك صبح بيردده شطان الظنون
اسمك حزين..........؟
ولا الحنين اللى طواك جوة الكمون
خلاك تهون
بيرد باب الكلمة فيك
يخرج آنين .......
يكسر ببانك كلها ويحط آخر كلمتين
افتح عبيتك ...
الالوانات ..ترسم فى حضن الضلمة كون
عديت براحك ..رحت فين ؟!
لساك ما خطيت البداية
لسة الحقيقة جوة منك
بينك وبينها خطوتين
الشاعرة " هبة رفعت " عضوة بجماعة مغامير الأدبية