"المُزَّة" ما تعملش كده (حلقة6)

مستعجلة خالص جدا أوى .. وعاملة ميكب ومسشورة شعرك ولابسة كعب عالى وخايفة تقعى من الدور الرابع اللى انتى راكباه وفكيتى الكيس وركبتى تاكسى
تلاقى بقى سواق التاكسى مش عايز يشغل العداد و لما غلستى عليه شغل العداد ومشى من الطريق اللى على مزاجه عشان العداد يعد ..ومشغل أغنية ادينى قلبك وخد قلبى وعامل مش سامعك وانتى بتصرخى فى الكنبة اللى ورا عشان يمكن يسمعك ويوديكى المكان اللى انت عايزاه مش المكان اللى هو عايزه
وهو عامل "عبيط " ومن بنها ومطرى دماغه وبيشرب سجاير كوكو الضعيف .. تتعصبى وتفقدى مززيتك وتخرجى عن شعورك وتزعقيله ؟!! أو تنزلى من التاكسى وتسيبيهوله ..لا طبعا المزة ما تعملش كده
أقولك أنا المُزة تعمل إيه ... برجلك وفى ظهر الكرسى اللى آعد عليه ولو قدرتى تديه كام زغدة وكام لكمية فى الكرسى هتجننيه وهو بقى غصب عنه هينتبه وإن عصلج وحاول يضرب فرامل اديله على قفاه واعملى إنها من تأثير الفرامل وإن ما كانش قصدك ولو حاول يتكلم معاكى قوليله طيب هانزل هنا على جمب .. وأول ما تفتحى الباب صرخى بأعلى صوت واتهميه بالتحرش .. وساعتها هيتعمل معاه أحلى واجب ..وتحافظى انتى على نفسك مُزة.