محمد التاجي عن تفكيره بالاعتزال: «أنا مش زي خيل الحكومة»

كشف الفنان محمد التاجي، عن تفاصيل تفكيره في الاعتزال، وإعلانه لذلك من خلال صفحته الشخصية على موقع التواصل الاجتماعي "فيس بوك".
وقال "التاجي"، خلال استضافته في برنامج "عرب وود": إنه فكر في ذلك القرار بعد شعوره بعدم التقدير، قائلا: "أنا مش هستنى لما يعملوا فيا زي خيل الحكومة".
وأضاف: "المنتجون والمخرجون دلوقتي مش بيراعوا السن ولا الخبرة، وبيعملوا قيمة للفنانين الصغيرين على حساب اللي زيي، وعشان كده أنا قررت إني مش هشتغل تاني غير بشروطي".
ووجه في نهاية حديثه رسالة للجمهور، قال فيها : أنا عايز اطمن جمهوري إني معتزلتش وإني هفضل موجود، وإني مش هقدم أي دور يقلل مني ومن تاريخي ويخليني اتكسف منه".