التسلية نيته من البداية وحتى النهاية

أنا اتعرفت على واحد من النت، وحبينا بعض، وأنا كان أول حد أكلّمه أو أحبه، ووافقت عليه لأنه قال لي إنه عاوز يتقدم؛ بس ساعتها كنت لسه في كلية فاتكلمنا بس، وهو بدأ يدوّر على شغل، واشتغل في شركة محاسبة، وكبر في شغله، وكان دايماً يقول لي "وشك حلو".
بعد كده حسيت إنه ما بيفكرش في حاجة، فقلت له إني متقدم لي حد، وكان فعلاً مش كذب؛ فسابني عشان ما يضيّعش عليّ فرصة وهو لسه ما يقدرش يتقدم، ورجع كلّم صاحبتي، ولما أنا رفضت أكلّمه تاني راح حبّ واحدة تانية على طول، ولما كلّمته أنا قال لي إنه بيحب واحدة.
ودلوقتي لما هي سابته عاوز يرجع لي؛ بس أنا بحبه وفي نفس الوقت مش مآمنة على نفسي معاه، وفي فترة سيبنا بعض عشان ربنا يكرمنا، وهو ما قدّرش أي حاجة، وبيتحايل عليّ دلوقتي، ولما حسسته إني مش هاوافق على طول كده ما حاولش إنه يقرّب ويطمنّي، سايب كل حاجة عليّ أنا، زي ما يكون أنا اللي هاخسره يا ريت تردوا عليّ أنا محتارة.
soso

لو عايز تفضفض لنا دوس هنا