عيد الأم.. «قصة مصورة»

صُبي المرار صُبي...هدي عمار قلبي...برضو مش أهينك
وديني وربي.. أنا لولا متربي.. أحجُر على سنينك
يا أم العيون ألوان....يا راسخة مهزوزة
وأم الجمال بهتان....يا شابة وعجوزة
جارحانا بأذاكي.. وسقيانا كاس الذل
وبرضو لساكي... في عيوننا ست الكُل
بحاول أنسى الهم
ده بكرة عيد الأم
كان نفسي أراضيكي.. واديكي أشواقي.. وحياتي ونضالي
كان نفسي أهاديكي.. لكني مش لاقي.. ولا حاجة فاضلالي
مخلوليش يا أمة.. من الوردة ولا شمة.. مش برضو بالذمة.. عيب يسرقوا خيري
صرخت في الأمة... ولمتلك اللمة... وحلمت بالضمة.. ضميتي ناس غيري
كان نفسي أهاديكي... وأحضن لياليكي.. وأنتي تبتسمي
كان نفسي أراضيكي.. لفيت في أراضيكي.. لقيت رفات جسمي