أحلام بكار.. حلقة رقم (38).. تحليل سياسى حول رؤية هيكل وأحوال مصر !

كعادتهما التقى بكار وحمزاوى فى أحد فنادق القاهرة بوسط البلد
بكار: اشمعنى الفندق ده اللى أصريت اننا نتقابل فيه ؟
حمزاوى: لأنه هادى جدا وقعدته مريحة ومش مدهوس من الناس وحنتكلم براحتنا وانا محتاج شوية هدوء الهدوء بيساعدنى على ترتيب أفكارى
بكار: ومين سمعك انا كمان مابلاقيش نفسى فى الدوشة والازعاج والبلد كلها بقت دوشة وازعاج يازين ما اخترت ياصاحبى
حمزاوى: إيه اخبارك ؟
بكار: الحزب مش مبسوط من ظهورى الإعلامى وتصريحاتى اليومين دول
حمزاوى ده طبيعى يابكار وانت لازم ماتضايقش نفسك من موضوع زى ده وخصوصا الحزب مش عاوز آراءك تخالف آراءه حاول تجاوب على الأسئلة الموجهة اليك دايما بدبلوماسية علشان ترضى جميع الأطراف وماحدش يزعل منك
بكار: ما اعرفش انافق ياحمزاوى
حمزاوى: انا ماقصدتش انك تنافق أنا كل اللى قصدته انك تداهن
بكار: إيه الكلام الكبير ده ؟ عموما سيبك منى انا انت إيه اخبارك ؟
حمزاوى: حسافر يومين احضر اجتماع للجبهة برة وأغير جو واهدى شوية وارجع تانى
بكار: حفتقدك ياصاحبى
حمزاوى: وانا كمان بس همه يومين بالعدد مش حتأخر
بكار: تسافر وترجع بالسلامة
حمزاوى: إيه رأيمك فى مخاوف هيكل ؟
بكار :عنده حق الإخوان مش فاهمين سياسة ومرسى مش قادر يستوعب العبأ اللى مرمى عليه قد إيه والشعب حيثور لو الأسعار ارتفعت والحكومة مأجلة قرار ارتفاع أسعار السلع شوية بس حتزودها حتزودها مش بأيدها حاجة غير كده
حمزاوى: وايه لرأيك فى ترقية قادة الجيش ؟
بكار: مرسى بيهادن وبيخطب ود المؤسسة العسكرية بس اللى فى القلب فى القلب
حمزاوى: مرسى والإخوان أضعف من الجيش والجيش واعى وفاهم ده كويس وعارف أن اللإخوان مالهمش امان
بكار: شوفت عبدالله بدر قال ايه ؟
حمزاوى: أيوه ياسيدى سمعته عاوز يعدم قضاة مصر ده جنان رسمى وفكر متطرف ماهو اللى زى عبد الله بدر ده هو اللى بيسئ للإسلام والإسلاميين من غير مايحس ولايدرك ده
بكار: فكزك صندوق النقد عاوز يقابل حمدين ليه ؟
حمزاوى: علشان يوجع بطن مرسى والإخوان وعاوز يسمع طرف آخر بعيد عن مرسى وقنديلة وشلتة وخصوصا أن الجبهة وضعت خطة اقتصادية اجتماعية للخروج من أزمة مصر
بكار : وفكرك حمدين حيستغل المقابله دى لصالحه ؟
حمزاوى : حمدين بيحب مصر وحيعمل اللى فيه الصالح ليها وحينسى نفسه هو فى اللقاء ده ده حمدين صباحى اللى انا اعرفه كويس رأجل محترم
بكار: ليه قطر ادت الإخوان تانى فلوس ؟
حمزاوى: أطماع فى نفوسهم بكره تبان ممكن يكونوا بيلفوا حبل حوالين رقبة الإخوان علشان يشنقوا بيه نفسهم والله أعلم
بكار: عندك حق
حمزاوى: يلا بينا أنا لازم أنام بدرى طيارتى الصبح
بكار : يلا ياحمزاوى واشوف وشك بخير
حمزاوى : سلام ياصاحبى
بكار : سلام ياحمزاوى