تظاهرة عشق لمصر بالأغاني.. ياسمينا: مش بس بعشقها بخاف عليها وأغير.. إيهاب: نحن نجتاز موقفا تعثر الآراء فيه.. سالي: أدفع عمري عشان بلدي.. محمد: محتاجة إخلاص وعمل.. طرابيشي: هي وردة كل عصر

دشن نشطاء موقعي التواصل الاجتماعي "فيس بوك وتويتر" هاشتاج "عشاق مصر بيغنوا لمصر"، الذي تصدر تراند مصر على تويتر، وذلك للتأكيد على حبهم لمصر، مستخدمين مقاطع الأغاني الخاصة بمصر بشكل حماسي، ولسان حالهم يقول "بلدي وإن جارت عليّ عزيزة.. وأهلي وإن ضنوا عليّ كرام".
مش هتروح
قالت ياسمينا العلواني: "عشاق مصر بيغنوا لمصر.. في ناس كتير تتمنى تبقى بلدنا محنية ومصر مش هتروح لو راح آخر نفس فيا.. أنا كل حرف في اسم مصر يساوى عندى كتير مش بس بعشق أرض بلدى بخاف عليها وأغير".
وأضاف د.إيهاب:
"نحن نجتازُ موقفًا تعثُر الآراءُ فيه، وعثْرةُ الرأيِ تُردِي
فقِفوا فيه وقفةَ الحزم وارْمُوا جانبيه بعزْمةِ المُسْتعِدِّ".
وعلق هادي أهلاوي: "غالية بلدنا علينا وهتفضل في عينينا".
ورد نبيل رحمان: "مذكورة في القرآن دار الأمان والخير يدخلها الغريب حيران يهواها زى الطير لا تغدر كما الأندال وصابرة وماتقول تعب الحيل".
وتابعت سالي سعد: "مصر هوانا ومايتنا ومفيش غيرها اللي هاممنا.. أدفع عمري عشان بلدي مقدمًا مصر في ترتيب الغالين تيجي أولًا".
هنكمل حلم
وقالت موني مون: "في ناس علشان نعيش في أمان بيقفوا في وش أي جبان. وياخدوا الضربة قبلينا ورغم أنه الوجع بيزيد هنكمل حلم كل شهيد كأنه لسه وسطينا".
وأضاف تري تري: "أرض الكنانة فلم لا يتغنون لها؟".
وعلق أحمد هادي مسلمي: "أحلف بالقمح وبالمصنع..أحلف بالمدنة وبالمدفع بولادى بأيامي الجاية ما تغيب الشمس العربية طول ما أنا عايش فوق الدنيا.. لأنك عظيمة قدرتى تصحى في قلوبنا العزيمة محيتى في لحظة الشعور بالهزيمة".
وردت بمبا هانم: "حلوة بلادى السمرا بلادى الحرة بلادى وأنا على الربابة باغنى غنوة أمل تعيشى يامصر تعيشى يامصر.. عشاق مصر".
وتابع أبو السام: "مصر ياما يابهية يا أم طرحة وجلابية الزمن شاب وانتي شابة هو رايح وانتي جاية".
شبعت غنا
وقال محمد سيد: "عشاق مصر بيغنوا لمصر.. مصر مش عاوزة غناء طول عمرهم بيغنوا عليها مصر محتاجة إخلاص وعمل كفاية غناء بقي مصر شبعت".
وأضاف كريم الخواجة: "يلا نغنى وننبسط عالتايم مش هنسمح لحد يحبطنا شاركوا معانا نتسلى شوية عشاق مصر بيغنوا لمصر".
وعلق محمد الهواري: "عشاق مصر بيغنوا لمصر.. الهوية الوطنية والأمن القومي قبل الحرية الفردية، إنسان بلا وطن إنسان بلا هوية".
ورد أبو كراس: "يا عروسة النيل يا حتة من السما ياللي صورتك جوا قلبى ملحمة".
وقال حسن فارس: "سحابة وندهت للشمس قومى طلى ع الوادى شوفى مصر الفراعنة في وادي والعالم في وادي ده المصرى في الوادى الأخضر كان سابق زمانه.. ده النيل الاسمراني فارد على الشطين قناديله والمصرى سكته محفوظة بقرآنه وإنجيله".
وأضاف طرابيشي بوب: "هي أم الدنيا مصر هي وردة كل عصر مهما رحنا ومهما جينا مصر روحنا ونور عنينا".
وعلق أحمد أبو عمر: "وفين تاني تسمع يا عيني يا ليل، يا بلدي بحبك بناسك وأهلك وحقك عليا أرد الجميل".