نوارة نجم: "الإخوان" حيعملوا أى حاجة عشان يثبتوا الشعب ويقلبوه

قالت الناشطة السياسية، نوارة نجم، فى تغريدة لها عبر "تويتر"، اليوم الأحد: "مش صحيح مافيش مسلمين ماتوا ما كانش الإخوان سكتوا، كان نفسهم مسلمين يموتوا عشان يقولوا ميليشيات الكنيسة ويفتشوا الكنايس عشان طمعانين فى فلوسهم".
وتابعت "هم طلعوا شائعات إن فيه مسلمين ماتوا عشان يسخنوا، وتوقعوا إن لما تحصل اشتباكات حيموت من الجانبين.. ربنا بقى خيب ظنهم".
وأضافت: "هو أنا مش ساعة موضوع الأزهر ده قلت لكوا الإخوان طمعانين فى فلوس أى حد وبكرة يخترعوا أى حاجة للكنيسة عشان يفتشوها لأنهم طمعانين فى فلوسها..ولجل بخت الإخوان الأسود بقى مافيش مسلم مات.. لو كان مسلم مات كانوا عملوا عليه هلولة".
قائلة "والله يا ريت الإخوان يقولوا لنا المؤسسات اللى هم عايزين يقلبوها فى الفلوس من غير ما مرة يسمموا الناس ومرة يعملوا فتنة.. نديهم الفلوس".
وأوضحت "أظن بعد اللى حصل فى الخصوص ده بتوع بلاش نظرية المؤامرة مش الإخوان اللى سمموا طلبة الأزهر يخرسوا ويرحمونا من هبلهم شوية" .
وتابعت "الإخوان حيعملوا أى حاجة عشان يثبتوا الشعب على الدائرى ويقلبوه فى الفلوس.. أى حاجة ممكن يقتلوا ناس من قواعدهم عشان يشحتوا بيهم.. والله العظيم".