بالفيديو.. موقف كوميدي لكريم وأحمد فهمي بسبب فاتورة تليفون ب 32 ألف جنيه

تحدث الفنان كريم فهمى خلال حلقة الليلة من برنامج "معكم" مع منى الشاذلى، عن ملامح علاقته مع شقيقه الفنان أحمد فهمى في الطفولة، قائلًا "وإحنا صغيرين خالص كانت العلاقة حلوة بينا زى ما اتحكى لى وكان بيلاعبنى ولما كبرنا شوية حجمه كان أكبر منى فكان بيضربنى لحد ماوصلنا لسن معين بقينا إحنا الاتنين بنموت بعض من الضرب".
وذكر أحمد فهمى أيضًا خلال الحلقة تفاصيل موقف من المواقف الكوميدية التي حدثت مع شقيقه قائلًا "مرة أبويا طردنى من البيت بسببه أخويا وقال لى وقتها أخوك جاب فاتورة التليفون 32 ألف جنيه، والحقيقة إن أبويا وقتها كان مصاحب واحدة بعد ما طلق أمى وكان كريم كمان مصاحب وهما الاتنين كانوا بيكلموا اللي مصحبنيهم في التليفون فمكناش عارفين مين اللى خلى الفاتورة تغلى كدة والمرة اللى بعدها جت غالية برضه ومرة ضربت كريم وعورته بسبب حوار كلامه مع صاحبته دا وانطردت بسببه".
وكشف كريم سرا عن شخصية شقيقه أحمد قائلًا "أحمد زمان كان بشخصيتين يعنى شويه تلاقيه بيصاحب وعادى وعايش حياته وشويه تلاقيه فجأة قلب متدين".