نوارة نجم ل"الإخوان": "انتوا متعرفوش ربنا خالص"

كتبت الناشطة السياسية، نوارة نجم، فى تغريدة لها على موقع "تويتر": "هم بيقبضوا على الناس عشان يقلبوا الناس فى الكفالات.. مش فاكرين مرسى لما قال الحكومة فقيرة بس الشعب غنى؟ الراجل باصص لنا فى فلوسنا".
وقالت: "يعنى هو لما يقبض على البشريات كده هو كده سيفعل واضطر ليفعل وتهديدات الصوابع وبتاع؟ قشطة يا مان.. ده اخرك يعنى؟.. والنبى حتوحشنى يا مرسى وحتوحشنى خطبك.. يالا بقى.. صحبتك السلامة".
وأضافت نجم: "قالك لو مرسى مشى قبل ما يكمل مدته مش حيدوم لمصر رئيس، قال يعنى كان دام لها رئيس قبل كده.. مرسى مش واخد باله اننا عندنا قبله رئيس مقتول، وواحد مخلوع، واللى مسك الفترة الانتقالية خرج بزفة.. وفاكر نفسه حيقعد؟ هههههههه مسكييييين".
واستطردت: "ماحدش يقول لباسم ما تروحش مدام عنده ضبط واحضار لان عنده طفلة ومش حلو انها تشوف الشرطة تقتحم البيت.. لو سمحتوا اللى يبقشش يبقشش من جيبه".
وتابعت "فى قرارات الضبط والاحضار اللى فاتت كل الناس قررت ما تروحش بس علاء اخد قرار صح انه راح لان فزع اقتحام الشرطة على الاطفال مش حلو..انا احب افاجئ الاخوان بحاجة... انتوا ما تعرفوش ربنا خالص على فكرة.. بتعرفوه زى ما بتعرفوا الفقرا كده.. ساعة الانتخابات".
وتابعت نجم: "والكائن الاخوانى اللى فاكر ان ربنا بيحبه هو بس وبيكره بقية العالم وخالق الكون على شرفه والبشر كلهم كومبارس ليه.. ادينا كرامة لاعتقادك"، مضيفة: "طب اليهود قالوا على نفسهم شعب الله المختار وبصراحة بذلوا جهد عشان يثبتوا صحة اعتقادهم.. انتوا ببراغيتكو دى ايه كراماتكو يعنى؟ بجد".