نوارة:"بيقبضوا ع الناس عشان يقلبوهم بالكفالات"

علقت نوارة نجم الناشطة السياسية على أمر النائب العام، بضبط وإحضار عدد من النشطاء السياسيين، بتغريدة ساخرة عبر موقع التواصل الاجتماعي "تويتر"، كتبت فيها: "هم بيقبضوا على الناس عشان يقلبوا الناس فى الكفالات مش فاكرين مرسى لما قال الحكومة فقيرة، بس الشعب غنى، الراجل باصص لنا فى فلوسنا".
وكتبت: "يعنى هو لما يقبض على البشريات كده هو كده سيفعل واضطر ليفعل، وتهديدات الصوابع وبتاع قشطة يا مان، ده آخرك يعنى؟ ، والنبى حتوحشنى يا مرسى وحتوحشنى خطبك يالا بقى صحبتك السلامة".
وأضافت نجم "ماحدش يقول لباسم ما تروحش مدام عنده ضبط وإحضار لأن عنده طفلة ومش حلو إنها تشوف الشرطة تقتحم البيت، لو سمحتوا اللى يبقشش يبقشش من جيبه، وفى قرارات الضبط والإحضار اللى فاتت كل الناس قررت ما تروحش بس علاء أخد قرار صح إنه راح، لأن فزع اقتحام الشرطة على الأطفال مش حلو، أنا أحب أفاجئ الإخوان بحاجة، انتوا ما تعرفوش ربنا خالص، على فكرة بتعرفوه زى ما بتعرفوا، الفقرا كده ساعة الانتخابات".
وفي سياق مختلف كتبت نوارة: "قالك لو مرسى مشى قبل ما يكمل مدته مش حيدوم لمصر رئيس، قال يعنى كان دام لها رئيس قبل كده، ومرسى مش واخد باله إننا عندنا قبله رئيس مقتول، وواحد مخلوع، واللى مسك الفترة الانتقالية خرج بزفة.. وفاكر نفسه حيقعد؟ هههههههه مسكييييين".
وأضافت: "والكائن الإخوانى اللى فاكر إن ربنا بيحبه هو بس وبيكره بقية العالم وخالق الكون على شرفه والبشر كلهم كومبارس ليه ادينا كرامة لاعتقادك طب اليهود قالوا على نفسهم شعب الله المختار، وبصراحة بذلوا جهد عشان يثبتوا صحة اعتقادهم، انتوا ببراغيتكو دى ايه كراماتكو يعنى بجد".