أبين زين

حضرة وزير تأميناتنا المعاش على فين ؟!! أنا ومراتي وعيالي معاشنا من سنتين.. متين وخمسين جنيه قيمة تمن رغيفين.. وعلاوة في كل عام عشرين جنيه حلوين.. أنا نفسي أعرف أعيش إزاي كبني آدمين.. آكل وأشرب وأعيش إزاي يامحترمين.. وغيري عايش بيصرف كل يوم ألفين.. لكن في يوم انتخاباتنا الجميع واقفين.. صوت الغني والفقير واحد بين الملايين.. والانتخاب فيه عدالة الكل متساويين.. صوت الغني والفقير واحد بين الملايين.. حاجات تضحَك في دنيا خلقها عايشين.. باسم العدالة القانون يحكم بين الإثنين.. طيب أنا أعمل إيه يا وزارة التأمين.. أنا وجميع الغلابة على المعاش عايشين.. فينا المريض واللي مش عارف يروح على فين.. وتعبنا كتر الكلام لكن إنتوا مش سامعين.. والأمر لله وسبحانه عزيز ومعين.. وأنا قلت كل اللي عندي وكلكم عارفين.. لكل صابر نهاية بعدها براكين.. وياريت تحسوا بحياتي ياسادة ياحاكمين.