عيشتي لي

ياللى نورك نور لكل الدنيا ديه
ياللى حسنك فيه ابتسامة مش عادية
ياللى صورتك جوه قلبى وجوه عينى
وانتى عينى ياضى عيني عيشتي لي
مصر
شمس وقمر ونجوم وليل وقلب وافى
عشق وسهر وشط نيل وجو دافى
غاية في الجمال ولا في الخيال والله مافى
زيك ف حسنك وف عطائك عيشتى لى
مصر
فكر وحضارة واستنارة الله أكبر
فيها المآذن والحسين وحى الأزهر
ودين كمان وسطى وجميل في القلب وأكبر
من كل سحر المغريات وعيشتى لى
مصر
فيها الآثار في كل ركن تحكى عنا
وعن شموخنا الآن وكان منذ الفراعنة
يا أم الهرم والنيل والأقصر قلبى غنى
من سعادته بيكى يا بلدى عيشتى لى
مصر