مُني القلب إلي أميرة من زمن الحواديت يامُني القلب ورجاه يا إبتسامته ويا شقاه إنتي نبض الحُب فيََّ وإنتي بدر وفات سماه إسكنيني وكونيني لملمي عُمري وسنيني سددي في العشق ديني وارسمي ليَّ إتجاه كوني ليَّ إيزيس وكوني شهرزاد قلبي وعيوني كوني ليلي.. واعدليلي كل مايلة.. وافرحي بعشقي وجنوني كوني أحلام الطفولة كوني أوجاع الكهولة وانتصارات البطولة كوني أجمل شئ في كوني كوني غزوة وزلزلي بغزوك حصوني وافتحي لي طريق لبكره بددي ليلي وسكوني وإحلميني زي ما بحلم بضيك يحتويني احلميني وف سنين القهر كوني نور هداية وطوق نجاه يا مني القلب ورجاه يا أميرة في قصورك كان حضوري من حضورك مات سُكاتي فوق سطورك واتولد صوتي وصداه يا مني القلب ورجاه احلميني وكوني ليَّ زي ماتحبي تكوني كوني ليَّ وأنا حكون لك زي ماتحبيني أكون المهم تكوني وردة جوه بستان العيون أو تكوني غزالة شاردة من سراديب الجنون كوني زي ما أي شئ جميل يكون واحلمي معايا بسنين غير السنين وبحياة غير الحياة يا مُني القلب ورجاه أول عشق إلي أميرة من زمن الحواديت كل يوم أحلام بترحل من سنيني وإنتي حلمي اللي أتاني وحان لي حيني لجل أمد الخطوة في دروب المحبة و إنتي أول عشق عيشته صدقيني صدقيني الشمس غابت وإنتي شمسي إنتي ضي نهار بيمحي جرح أمسي إنتي صوتي وضحكتي ودمعي وهمسي وإنتي فرحة عُمر جاية بتناديني إنتي أول عشق عيشته صدقيني علموني عينيكي أكون فارس زماني وإن مهما الموج غدرني حرتجع للبر تاني ياللي صوتك نور بيسري جوه قلبي وف كياني اقبلي قلبي وحنينه واقبليني إنتي أول عشق عيشته صدقيني.