يابلدنا

ياللى أنتى
فيكى نيل بيجرى فى عروقى
فيكى عيشتى
وأنتى جوايا عشتى
كتير على لسانى أنتى
بس باكون خايف تكونى شرقتى
أنتى عشى اللى فيه
ربانى أبويا وربا أختى
فيكى جدى وحكاياته
والسمر مع وردة العيلة ستى
فيكى عمى اللى شالنى
مسح بأيديه همى
ولما غاب الأمن عنى
حطنى فى حجر الحنان
رضعتنى الست خالتى
وأنا فى وسطهم ماكنتش حاسس
إنى أبدا كنت غريب
بعطفهم كان قلبى لامس
كل قلب كان حبيب
لكن مع الليل كان دمع عينى
ليكى ياامه كان كاوينى
وكان قلبى ينادى
فينك ياست الحبايب
دا أنا من غيرك تايه وغايب
فينك سبتينى وروحتى
سرقوا حياتنا
وأنتى
ياما من الأسى شربتى
ياما ياامه منهم أنتى شفتى
عاثوا فى أرضك فسادا
سرقوا طرحتك وجلابية أختى
ماشفوش الدموع على خدودك
وأنتى علينا خوفتى
وحياتك ياحبيبتى لا تقولى
إنك علينا هونتى
همه عملوا كدا ليه؟
أنا لم كبرت
أنا ياامه عرفت
وأنتى كمان عرفتى
أنا منهم خلاص قرفت
وأنتى ياامه من عمايلهم قرفتى
ياامه أنا همسح دموعك
وإن سكت تبقى هى دى خيبتى
أنا ياامه هبنى تانى
بس اوعى تكونى زعلتى
دا أنتى ياما علينا صبرتى
أنا شايف نور الحق جاى
أنا عارف أنك به حلمتى
وحياتك ياحبيبتى
مش هسألك أنتى فين روحتى
الأمل فى حلمك جاى ياامه
بصى فى عنيه تشوفيه
هتلاقى اسمك مكتوب ياستى
***