بحبك أوى يابلدى !!!

مفيش أكبر من بحبك تتقال ... بحبك دى شوية
مين يامصر يوصف الجمال ... للأجيال إللى جاية
ياريت كنت بحبك بس ... وياريت كان حب عادى
من قلب حنين الهمس ... لآخر شبر فى حدود بلادى
من أول ضوء الشمس ... ولآخر نقطة فى نيلك الهادى
عظيم يومك وعظيم الأمس ... يابلدى ليكى المستقبل بينادى
فين أعدائك يامصر ... فين اللى زرعوا آلاف الجواسيس
إللى حاربك ماعرفشى نصر ... كنت أنتى الحق وقت التدليس
ياحضارة للحضارات أصل ... فين العلماء يفكوا سر رمسيس
بحبك يابلدى رغم كل أزمة ... بحب فيكى شعبك وبحب الأحرار
الحب من غيرك مالوش لزمة ... وإيه فايدة الشمس من غير نهار
يابلدى إديتى للطاغة ألف هزمة ... يابلدى فى الكون أنتى سر الأسرار
يابلد الحياة وبلد الشهيد ... ياضحكة صافية وشعب عنييد
يا دم طاهر فى كل وريد ... يا نهر محبة للعروبة بيزيد
يا دولة غالية وجيش مجيد ... يا وطن نصره نصر فريد
بحبك أوى يابلدى ومش عارف لحبك حد
يانجمة سما بين بحريين يازهرة منورة الأرض
وبحبك ماعتيش تسألينى ... ومن بحر حبك إسقينى
ومن جرح حبك داويينى ... ياضى قلبى ونور عينى
وبحبك أوى يابلدى ......