هاشتاج «أدعم نقابة الأطباء» يجتاح «تويتر».. رحمة: «دول ناس عدوا في باطنة وجراحة».. محمود: «أبطال».. باسم يوسف: الدولة بتقول أنا والداخلية على المواطن.. و«آسف يا ريس»: «ليه الجزيرة بتنقل مظاهراتكم؟»

دشن مستخدمو موقع التواصل الاجتماعى «تويتر»، اليوم الجمعة، هاشتاجًا جديدًا حمل عنوان «أدعم نقابة الأطباء»، تفاعل معه الكثير من المغردين، وذلك بعد اعتداء أمناء الشرطة على الأطباء بمستشفى المطرية العام، ومن جانبها رصدت «فيتو» بعض التعليقات.
«عاش نقيب الأطباء»
أشاد أحمد جمعة بقرار الجمعية العمومية الطارئة للأطباء، المنعقدة اليوم، الخاص تحويل الدكتور أحمد عماد الدين وزير الصحة، للجنة التأديب بالنقابة لعدم دفاعه عن الأطباء، كما وافق الحضور بالإجماع على إقالة الوزير من منصبه، قائلا: «القرار للتاريخ لأطباء مصر النقابة تحيل وزير الصحة للتأديب»، بينما أضاف محمد عبد العزيز قائلا: «عاش نقيب الأطباء عاشت الدكتورة مني مينا عاش نضال الدكاترة».
وقال محمود الجبالى: «أطباء مصر أنتم أبطال»، وأضافت رحمة سعيد قائلة: «من أجل العدل والحقوق»، بينما قال أحمد عبدالوهاب: «الشعور بالفخر كونك تنتمى إلى مؤسسة بتقف في وجه الظلم وبتقول لااااا بغض النظر إن كانت طبية أو لأ شيء لا يوصف».
«ألف تحية»
وغردت رحمة قائلة: «دول ناس عدوا في باطنة وجراحة، انت مستوعب ؟»، بينما قال محمد سمير: «سيتوقف التاريخ طويلًا عند هذه الوقفة لملائكة الرحمة المصريين.. شكرا لكم»، ووجه هانى محمود التحية لنقيب الأطباء الدكتور حسن خيرى، قائلا: «وألف تحية لنقيب أطباء مصر الدكتور حسن خيري لما أعادوه للشعب المصري من ثقة في نفسه وكرامته».
وأعلن الفنان حمزة نمرة، عن تضامنه مع نقابة أطباء مصر، قائلا عبر حسابه الشخصى بموقع التواصل الاجتماعى «تويتر»: «أنا والدي طبيب ووالدتي الله يرحمها طبيبة.. أختي طبيبة ومراتي طبيبة.. عمي وولاد عمي وبنات خالي.. عارف بيتمرمطوا إزاي.. أنا أدعم نقابة الأطباء».
باسم يوسف
كما أعلن الإعلامي الساخر باسم يوسف، مقدم برنامج «البرنامج» سابقًا، عن تضامنه مع نقابة أطباء مصر ضد ممارسات بعض أفراد الداخلية، قائلا، عبر صفحته الشخصية بموقع «فيس بوك»: «بعد خمس سنين الإعلام المصري ما زال مثبتا كاميرا على الكوبري اللي فاضي.. الموضوع مش مجرد تدليس أو كذب.. كده الدولة كاشفة وشها وبتقولك بالفم المليان أنا والداخلية بتاعتي والإعلام بتاعي (ووزارة الكهرباء بتاعتي اللي قطعت على النقابة المولد) بنرعى البلطجة عيني عينك وحطنش على حق أي مواطن عشان أحمي حراستي».
وأضاف الإعلامي الساخر: «وده اعتراف ضمني من الإعلاميين وقنواتهم إنهم أدوات في أيدى الحكومة بيقولوا من سكريبت واحد.. كل شوية حد بس يطّلع يقوله كلمتين معارضة لايت عشان المنظر.. زي كده عبد الرحيم على اللي عايز تيار معارض يدعم النظام».
«آسف يا ريس»
استنكرت صفحة «أنا آسف يا ريس»، المؤيدة للرئيس الأسبق حسني مبارك، تظاهرات الأطباء ودعوات إضرابهم عن العمل، حيث قال أدمن الصفحة، عبر موقع «فيس بوك»: «خدعوك فقالوا مظاهرات الأطباء، لو نقابة الأطباء شايفة أنه من حقها أنها تنزل في الشارع بالآلاف وتخترق قانون التظاهر وتعطل المرور علشان تعبر عن غضبها من (حادث فردي) بين أمين شرطة ودكتور إذا فالناس المريضة دلوقتي اللي حضراتكم سايبينهم في العيادات والمستشفيات بدون دكاترة هما كمان من حقهم يعملوا فيكم إيه؟».
وأضاف: «لو الأطباء نفسهم شايفين أنه من حقهم أنهم ينزلوا يتظاهروا ويعملوا إضراب علشان مشكلة فردية مع شرطي أخطأ.. فالناس اللي انتو نسيتوا في بطنهم الفوط والمقصات واللي انتوا قتلتوهو وسببتولهم العمى بإهمالكو.. دول بقى هما كمان أهاليهم يعملوا فيكو إيه؟».
وتابع: «لو أنت كدكتور شايف إنك نازل علشان تتظاهر وتعبر عن غضبك علشان مشكلة فردية مع فرد شرطة أخطأ.. أمال حضرتك رافع صور محبوسين من الإخوان ليه؟، ولو حضرتك شايف إن نزولك ده مجرد تعبير عن الرأي والغضب ملوش أهداف سياسية تانية.. يبقى إشمعنى قناة الجزيرة بتنقل مظاهراتك وإشمعنى صفحات الإخوان وأعضاء 6 أبريل كلهم متضامنين معاك ونازلين يتظاهروا جنبك؟».
واستكمل: «لو إنت شايف أن من حقك تثور وتغضب علشان حادث فردي بين دكتور وأمين شرطة.. يبقى الناس اللي بتطردوهم وبتسبوهم من غير علاج في المستشفيات علشان ممعهمش حق الكشف يعملوا هما كمان فيكوا إيه؟».
واختتم: «وأخيرا ليه دايما أي مشكلة بين أي فرد شرطة وأي موظف في أي مكان بيتم استغلالها سياسيًا وإعلاميا ضد الدولة.. والسؤال هنا: هل لو كانت المشكلة دي بين مهندس ودكتور أو بين مدرس ودكتور كانت هتبقى نفس النتيجة؟ ولا هو تربص بجهاز الشرطة وخلاص؟».
وكانت دار الحكمة، مقر نقابة الأطباء، استقبلت، اليوم الجمعة، آلاف الأطباء والمتضامنين معهم، وأدت الحشود الكبيرة للأطباء إلى إغلاق شارع قصر العيني، حتى لجأ رجال الأمن إلى تسيير حركة المرور في حارة واحدة من الطريق.