عبر «فيس بوك» نشر الشباب أحدث الطرق للكشف عن الأصدقاء المنتمين لجماعة الإخوان المسلمين في قائمة أصدقائك عبر دليل إلكتروني تحت اسم «دليل المواطن المصري في الكشف عن الإخوانجي» وذلك في الخطوات التالية .. الخطوة الأولي: حط بوست عندك يفضح جماعة الإخوان أو فرد منها .. الخطوة الثانية: شير البوست ده للمشكوك إنهم إخوانجية.. الخطوة الثالثة: استنا شوية وبعدين راجع التعليقات .. لو لقيت التعليقات علي الطريقة دي.. بداية التعليق: علي فكرة أنا مش تبع جماعة الإخوان المسلمين بس لما لقيت البوست بتاعك دخلت أعلق علشان إلخ إلخ إلخ .. طب لما أنت مش إخوان متضايق ليه وداخل تعلق مخصوص. وسط التعليق: بيخش عليك بحديث شريف أو آية قرآنية طبعا وغالبا ما تكون: "يا أيها الذين أمنوا إن جاءكم فاسق بنبأ فتبينوا أن تصيبوا قوما بجهالة فتصبحوا علي ما فعلتم نادمين» طبعا علي أساس انك أنت الفاسق علشان بتبين حقيقة الجماعة للناس. آخر تعليق: بيكون علي طريقة أخي الكريم وميزان حسناتك وأنا خايف عليك وإلخ وده طبعا علشان تتوب عن الكبائر والذنوب اللي أنت ارتكبتها طبعا في حق الناس الصالحين يا أخي اتق الله دول فيهم يوسف هذا العصر وعثمان هذا العصر .. لما بتفشل الاسطامبة دي بيكون قدامه حلين يا إما يشتم يإما إسقاط علي حد تاني علي طريقة ما هو فلان برضه.. واشمعنى .. وبطلوا بقه افترى ما تروح تشوف من عمل إيه إلخ إلخ. و بكده يا عم يبقى أنت عرفت إن عندك إخوانجي في الفريندز بتوعك وقدامك حل من اتنين يا إما تسيبه وتقعد تعذبه في بوستات ضد الجماعة وإما تمسحه وتريح نفسك وتريحه معاك.