حصاد أول يوم انتخابات «تأتي الرياح بما لا تشتهي السفن».. محمد: «الواحد حاسس إنه تايه».. على: «مش عارف راسي من رجلي».. ندى: «مصر كانت تستاهل شغل أكتر من كده».. وشيرين: «مش عارفين ننتخب مين»

على الرغم من مطالبة بعد فئات الشعب باستكمال خارطة الطريق والتأكيد على نجاح ثورة 30 يونيو التي شارك فيها الشعب المصرى بكافة أطيافه، وذلك بإتمام الانتخابات البرلمانية، إلا أن الرياح جاءت بما لا تشتهي به السفن، فعلى الرغم من التكاليف الباهظة التي تكبلتها بعض الأحزاب السياسية لمرشحيها إلا أن بعض المصريين عزفوا عن المشاركة في أول يوم من الاستحقاق الانتخابى، وهو ما أرجعه معظم المواطنين لقلة معرفتهم بمرشحى الأحزاب، حيث وجه العديد منهم أسئلة لصفحات الأحزاب السياسية على «فيس بوك» للتعرف على مرشحيهم.
«مش عارفين ننتخب مين»
قالت شيرين مفيد: «من فضلكم تنزلوا مرشحى المصريين الأحرار مرحلة أولى وتانية إحنا مش عارفين ننتخب مين وإلا مش هننزل»، وأضاف بيبو: «ممكن نعرف القائمة التي تضم المصريين الأحرار؟»، وتابع رفيق قائلا: «مكن تردوا علينا عايزين اسم القائمة بتاعتكو في مدينة نصر».
وأضاف عمرو أسامة: «لو سمحت مين مرشحكم في الزيتون وبولاق الدكرور عشان أنا من المصريين بالخارج وعايز أنزل أنتخب»، وتابع محمد أبو العنين قائلا: «هو إنتو جايين دلوقتي تقولوا مين مرشحينكم دي كان لازم من شهر مش الناس مش عارفة تنتخب مين»، وتابعت نونا فايز: «كنت عايزة أعرف من مرشح الحزب دائرة روض الفرج وشبرا ومقعد واحد ولا اثنين».
«مين الكويس ومين الوحش»
وقال مصطفى: «عايز أعرف قائمة حزب الوفد في القاهرة والجيزة»، وتابع عادل صلاح: «من هم مرشحو حزب الوفد في الإسكندرية»، وتابع على عبد العزيز قائلا: «والله نفسى أنزل انتخب بس الواحد مش عارف راسه من رجله».
واستطرد محمد سعد قائلا: «الواحد حاسس إنه تايه.. الدعاية مش كفاية علشان كده محدش نزل النهاردة»، وأضافت ندى محمد قائلة: «مصر كانت تستاهل شغل أكثر من كده من الأحزاب، الناس عايزة تشارك بس مش عارفة مين الكويس ومين الوحش».
وكانت المرحلة الأولى من الانتخابات البرلمانية، بدأت، اليوم، في 14 محافظة وهى «الجيزة، الفيوم، بني سويف، المنيا، أسيوط، الوادي الجديد، سوهاج، قنا، الأقصر، أسوان، البحر الأحمر، الإسكندرية، البحيرة، ومرسي مطروح»، كما جرت عملية الانتخابات في دوائرها خارج مصر أمس السبت واليوم الأحد الموافقين 17 و18 أكتوبر 2015.