"الكوتة " وصلت .. تحبي تكوني "نايبة " ؟! / د. لميس جابر

تحبي تخشي المجلس؟



* د.لميس جابر

هذا حوار سياسي جاد جداً حول تمثيل المرأة المصرية في مجلس الشعب والموافقة علي (كوتة) خاصة بالمراة :

جاءتني سيدة فاضلة تتمتع بوعي سياسي وحنكة برلمانية وسألتني:

هي: تحبي تكوني واحدة من الستات اللي هايخشوا مجلس الشعب؟.

أنا: هو فيه ستات هايخشوا مجلس الشعب؟.
هي: انت ما سمعتيش ان أربعة وستين مقعد زيادة هايخصصوا للمرأة؟.

أنا: مرأة واحدة هاتقعد في أربعة وستين كرسي؟.
هي: لأ.. أربعة وستين كرسي لاربعة وستين واحدة ست.
أنا: والله حلوة قوي الحكاية دي.. والمجلس فيه أربعة وستين كرسي فاضي ولا ها يأجروا كراسي زيادة؟.
هي: وانت مالك.. هو أكل وبحلقة؟.

أنا: لأ.. ما هو لو الكراسي دي فاضية يبقي مافيش مرشحين كفاية يملوا المجلس وعاوزين يدخلونا سد خانة ومنظرة عشان يملوا الكراسي الفاضية وأنا: ما أقبلش البنت زي الولد ماهي:ش كمالة »عدد«.
هي: خلاص اعتبريهم هايحطوا كراسي زيادة للستات.. تحبي تدخلي المجلس؟.

أنا: بس أنا: ما أحبش أرشح نفسي ومش غاوية الدوسة بتاعة الانتخابات.

- هي: ومين اللي قال لك انك هاترشحي نفسك؟.

أنا: مش كل اللي بيدخل المجلس بيبقي مرشح نفسه ولما ينجح يخش؟.
هي: لأ.. احنا هانخش بالتعيين. أنا: تعيين؟ ومين اللي هايعين وينقي الستات؟. هي: هي:. أنا: هي: مين؟.

الحكومة.. الحزب الوطني.. مجلة حواء.. مستشفي الولادة.. أي حد المهم.. تحبي تدخلي المجلس؟.
أنا: ولو اني مش فاهمة ليه يدخلوا الستات المجلس جدعنة كده من غير مايرشحوا أنفسهم في الانتخابات انما.. زي بعضه.. أجرب علي الاقل الواحدة تتفرج علي البرلمان اللي كان بيقعد فيه سعد زغلول والنحاس وأحمد ماهر والنقراشي وصبري أبو علم ومكرم عبيد وحسين

هي: وفؤاد سراج الدين ومحمد محمود.. و... و.
هي: بس.. بس.. انت لسه عايشة في زمن الابيض والاسود.. دلوقتي المجلس فيه ناس من نوع تاني.. ناس طبعة الالفية الثالثة.

أنا: ما هو ده اللي مخوفني؟.

هي: ليه؟.

أنا: ألفاظهم مش كويسة بيشتموا شتايم قبيحة وكلها ضد المرأة سمعتي اللي قال: انت زي المرأة اللعوب والثاني قال له: ده كلام عاهرة؟. يعني السب والقذف في المجلس كله أوصاف لا أخلاقية للستات.. ده غير انهم دايماً يقدموا استجوابات محرجة للستات.. مرة يسرا كانت لابسة فستان عريان في المهرجان ومرة »دينا« رقصت ببدلة مبتذلة في الكباريهات.. المجلس ده ما وياهوش غير الستات وحاطينهم في دماغهم.. أروح لهم برجليا؟.

هي: بالعكس.. ده انت تخشي البرلمان واللي يقول كده قدامك قومي له بقي وفرجيه مقامه.
أنا: ما هو ده اللي مخوفني. هي: ليه؟.

أنا: لو جاب سيرة مامتي مش ها أقدر أجيب سيرة مامته لأني باحترم المرأة هااضطر أجيب سيرة باباه.
هي: ده حل كويس جداً وكل البرلمانات بيحصل فيها كده.

أنا: طيب افرضي باباه طلع ظابط هايوديني في داهي:ة.
هي: ما يقدرش.. هايكون عندك حصانة.

- أنا: طيب افرضي اللي عينني طلع صاحبه هايرفع الحصانة ويسبني أروح في داهي:ة أقولك.. لوحد شتمني ها أقوله اخص عليك يا وحش.
هي: برافو.. ده حل كويس قوي.. تحبي تخشي المجلس؟

أنا: بس فيه ناس رفعت الأحذية قبل كده في المجلس.
هي: وماله لو رفع الأحذية ترفع له الأحذية.

أنا: ما هو ده اللي مخوفني؟
هي: ليه تاني؟

أنا: الرجالة جزمتهم سهلة القلع وأنا: بقي لغاية ما أوطي وأفك رباط »الكوتشي« اليمين وبعدين الشمال ها أكون اترزعت جزمتين في دماغي.

هي: طيب احنا نخشي المجلس ونطالب بقاعة خاصة للسيدات زي المترو كده.
أنا: يا سلام وياخدوا هما القاعة الكبيرة وإحنا يرمونا في قاعة صغيرة نتخنق فيها.. وغير كده مش هايسمعونا لما نقول "موافقة"... "موافقة "!!.

هي: باين عليكي هاتتعبيني.. خلاص رشحي نفسك وقولي في البرنامج الانتخابي بتاعك انك هاتجيبي القاعة الكبيرة للستات وهانرمي الرجالة في القاعة الصغيرة يفطسوا فيها لوحدهم.

- أنا: أرشح نفسي ازاي وأنا: ماعنديش بطاقة انتخابية وعمري ما انتخبت؟

هي: طلعيها ورشحي نفسك بسيطة. - أنا: طيب تفتكري أوزع ايه علي الناس اللي هاينتخبوني؟

هي: أحسن حاجة الفلوس.. ورقة بميتين جنيه تقطعيها نصين والناخب ياخد نص ويدخل ينتخبك ويصور الورقة
بالموبايل.. تشويفها تديله النص التاني. - أنا: أنا؟. أنا أعمل الحاجات البيئة دي؟ لأ يا هانم أنا: اللي ينتخبني لازم يبقي مقتنع بي.

هي: وها يقتنع بيكي ازاي؟ - أنا: ها أوزع فراخ ومكرونة بالباشاميل.
هي: لأ فالحة.. ها يأكلوها ومش هاينتخبوكي.

أنا: انت اللي مش فالحة.. أنا: ها أديهم صينية المكرونة قبل ما يخشوا اللجنة وبعد ما ينتخبوا ويوروني الصورة يأخذوا جوز الفراخ مستوي ومتحمر وانت عارفة طبيخي بقي.. غير كده أنا: ها ارفع شعار انتخابي لا يقاوم.. »طبيخ باللحمة لكل مواطن طوال الأسبوع«.

- هي: وده ها تجيبيه منين لو لا قدر الله نجحتي؟
- أنا: وأجيبه ليه مادام حا كون نجحت .. ما خلاص كده.

-هي: برافو.. كده أنا: اتطمنت عليكي.. أنت هاتكوني "نايبة" نموذجية.

- أنا: بس فيه حاجة مخوفاني.
- هي: ايه تاني؟ - أنا: لما أنجح.. ها أجيب الملايين اللي صرفتها علي الانتخابات دي إزاي؟
- هي: دي سهلة قوي.. لما تخشي المجلس هاتعرفي.



*جريدة الوفد
25/6/2009