سلملي ع الصعيدي

لما ينقتل صعيدي
عيلته ترفض العزا
كنت أقول جوه الصعيدي.. فيه غبا
لما النساء تقعد تعدد أقول ليه كدا
النهارده عرفت أني صعيدية كدا
مش راح أبكي ع اللي دمه ع التراب سايل كده
راح أغزل الوجع موال لما يوم العزا
وأفضل أربي في العيال روح الصبا
الولد يتولد راجل ما يعرف غير اسم العدا
يوم ما يتفطم يشيل على ضهره حملنا
ويوم ما الحق يرجع
هنفرح كلنا
ونشيل.. ترابك يا بلد ونتحنى بدم رجع لنا
مش راح أبكي يا مصر
مش ها انحني..
نور الفجر جاي والدنيا هتضحك لنا
لسه الولاد ع الأرض تحبي
والأمهات بتربي.. للدنيا أجيال مننا
رجال من طينك يا مصر
أما البنات من علو الحبل صخر يبني مجدنا