"لو مبارك لسه فى الحكم" هاشتاج يطالب بسجن الإخوان.. "أمانو": كان زمان المحظورة لسه بتزور مرسى والشاطر بعيش وحلاوة.. "نانا": كانت أمريكا وإسرائيل سيجتمعان بالإخوان سرًّا

"لو مبارك لسه فى الحكم" هاشتاج دشنه النشطاء للسخرية مما يحدث الآن من سيطرة الإخوان وتسلطهم على الحكم، حيث أبرز الهاشتاج رغبتهم فى الزج بجماعة الإخوان الحاكمة فى السجون مرة أخرى ليعود الأمان لمصر.
فسخرت بسمة ماتلات قائلة: "لو مبارك لسه فى الحكم مكناش هنشوف المتأسلمين ولا هيطلع ليهم صوت".
أما ريهام خليل فقالت: "لو مبارك لسه فى الحكم كان زمان مرسى والشاطر والكتاتنى والعريان والبلتاجى لسه فى السجن".
ربيع بيرون قال: "لو مبارك لسه فى الحكم البلد كانت هتكون أكثر أمان.. بس برضه كانت هتكون أقل حرية".
أحمد صلاح قال: "مكنتش هتفرق كتير، كده كده طالع عين اللى خلفونا، بس كان هيبقى الإخوان لسه مستخبيين".
مروة أمجدى قالت: "لو مبارك لسه فى الحكم كان زمان الإخوان لسه.. فى أمن الدولة".
جيهان صابر قالت: "لو مبارك لسه فى الحكم كان كل النشطاء قاعدين على قهوة البورصة والإعلاميين لسة بيبوسو إيده هو وابنه والإسلاميين فى السجن، والشعب مسروق ومبسوط".
نواف بن زايد قال: "لو مبارك لسه فى الحكم زمان جبهة الإنقاذ وافقوا ع الحوار وجلسوا معاه وطبطبوا عليه".
سارة باسمون قالت: "لو مبارك لسه فى الحكم مكانش ظهر باسم يوسف وكان زمانه سافر".
أحمد البدوى قال: "لو مبارك لسه فى الحكم كان زمانا عاصرين على نفسنا فدان ليمون وساكتين ومافتحناش بقنا".
إمى أمانو قالت: "لو مبارك لسه فى الحكم كانت المحظورة لسه بتزور مرسى وخيرت بعيش وحلاوة فى طره".
رندا البقمى قالت: "لو مبارك لسه فى الحكم كان على الأقل ما استقبل نجادى بالأحضان ولا سمح بالسياحة، وقريبًا وأنا مسئول عنها تلاقون ملالى جديدة بحطها بالمفضلة.. وأذكركم!".
نانا سعيد قالت: "لو مبارك لسه فى الحكم كان زمان أمريكا وإسرائيل بيجتمعوا بالإخوان سرًّا لعمل طريقة أخرى لخلع مبارك وصعود الإخوان للحكم".
وقال من أطلق على نفسه "ابن الناس الكويسين": "لو مبارك لسه فى الحكم كنت هتلاقى مسيرات الإخوان فى جامعات مصر كلها بتهتف: يا مبارك قول الحق.. كيرى حبيبك ولا لأ".
وقالت سمسمة 88: "لو مبارك لسه فى الحكم شباب الإخوان فى الجامعات ينظمون مسيرات تندد بزيارة كيرى، وتضامنًا مع أهل المنصورة.. وعصام سلطان يقدم بلاغًا ضد وزير الداخلية ورئيس الجمهورية ويتهمهم بإراقة دماء المصريين".
نور آدم قالت: "ماكانش رؤساء دول العالم بتقول لشعوبها احترموا نفسكم بدل ما يحصل فى بلدكم اللى حصل لطنط مصر".
وقالت فاطيما: "كنت هانام مطمنة ومش قلقانة أصحى على كارثة جديدة، يوه بقينا متوقعين أى حاجة بعد التغيير الأسود!".
بسنت ياسر قالت: "كان موش هيبقى اصطف الإخوان دا موجود أصلًا".