بقلم : صالح شيحة يووووووووووووووووووووووه ......لسة البلد زى ما هى ....قليل قوى لما تلاقى حد إتغير ....أنت عن نفسك شايف إنك إتغيرت... طبعا لأ ...أنا عن نفسى لسة ما اتغيرتش .....بس أنا نفسى أتغير بس مش لاقى حد يقولى ده صح وده غلط ...لسة سياسة البلد زى ماهى ....لسة مش إتغيرت ....لسة الغلابة غلابة والأغنياء أغنياء ....أصل الموضوع إيه يا عم الحاج كان المفروض الصح إن اللى يمسك البلد دلوقتى مين حسب الدستور رئيس مجلس الشعب ورئيس مجلس الشعب فى طرة يبقى مين اللى يمسك رئيس المحكمة الدستورية بس رئيس المحمة الدستورية مش مسك يبقى الموضوع غلط من أوله .... يوووووووووووووووووووووووه......لسة فى واسطة ولسة فى رشوة ولسة فى ناس بتأخد مرتبات كبيرة خالص ....الثورة قامت بس وهى بتقوم فى ناس بتحاول تقعدها ناس همها إن الثورة رجلها تنكسر عشان كانوا مستفيدون من أيام مبارك ....هسأل سؤال ...مبارك شاف الناس بتتقتل فى ميدان التحرير وكان قاعد فين فى غرفة عمليات القوات المسلحة يعنى بإشارة كان يقدر يمنع اللى حصل بس كان طبعا نفسه الثورة زى ما قلنا تفضل قاعدة مش تقوم على حيلها ...وربنا مسهلها ليه والحمد لله طلع واحد محامى ربنا يستره ببلاغ للنائب العام بيتهم مبارك بقتل 7 ألاف جندى مركزى وبلاغ تانى بإدخال مبيدات مسرطنة ....وبعد ده كله تطلع ناس تقول لا مينفعش نعمل فى الكبير كده ....بابا مبارك ....يعنى توافق حد يجى يشتم باباك ....أنا عن نفسى هأرضى لما يكون أبويا مكنش بيخاف عليا وهمه الوحيد إنه يعيش حتى لو أنا هموت .... يوووووووووووووووووووووووه.....إنزل شوف معظم الناس اللى حصل عليهم مظاهرات وإحتجاجات عشان يتشالوا من أماكنهم بأمانة الناس إتشالوا من أماكنهم بس راحوا فين ....كل واحد كان المفروض مش يشتغل حتى فراش بعد الثورة ....أعتذر بجد للفراش وبجد مش قصدى حاجة بس لازم أضايق طبعا لما أشوف الناس دى إترقت وبقت فى مناصب أعلى وعايزين البلد تنصلح إزاى البلد هتنصلح واللى ماسكها هما هما اللى كانوا ماسكينها قبل الثورة .... يوووووووووووووووووووووووه.....لسة برده الأجهزة الرقابية مش شايف شغلها ....لازم تروح تقدم بلاغ ....يعنى مثلا تشوف عربية ماشية فى المخالف وعسكرى المرور شايفها بس مش بيتكلم إن شاء الله تخرب لأن المسألة إختلفت عن الأول وكلنا عارفين يعنى إيه إختلفت ....شوف مثلا مشكلة البنزين باينة قوى إنها مفتعلة عشان الناس تأكل فى بعضها فين دور الأجهزة الرقابية وفين التصريحات والمؤتمرات الإعلامية اللى المفروض تتقال فى الإعلام عشان تفهم الناس هو فى إيه .... لسة بلدنا زى ماهى فيها الواسة وفيها الكوسة إمبارح شفت أنا بعنيا ناس حرامية ومش محبوسة [email protected]