وقال الحمار: بلاش تدوش أخوك

الحمار قال للحمار.. ارحم أخوك
فيه حمير سايبة وجاهلة حيقتلوك
وإنت ماشي بريء.. بطلقة يعدموك
ثم يجروا يستخبوا ويشغلوك
كل حبة يصرخوا ويخوفوك
قول لهم يا حمار يا ضايع يرحموك
كلهم عايزين في لحظة يخنقوك
لأجل تفضل طول حياتك يركبوك
قوللي يا حمار مرة واحدة.. هم فين من يدفعوك
للمصايب والبلاوي والحقيقة بيخدعوك
وإنت ماشي أعمى أخرس للهلاك بيحركوك
الحمار التاني رد وقال بلاش تدوش أخوك