محمود بدر ل «النور»: ما عندناش أزمة سنة وشيعة يا «بني جهل»

شن محمود بدر، مؤسس حركة «تمرد»، هجومًا حادًا على حزب «النور» السلفي، بعد عقده مؤتمرًا لمحاربة انتشار الفكر الشيعي.
وقال «بدر» على حسابه الشخصي، بموقع التواصل الاجتماعي «فيس بوك»: «طالما كلنا بنقول أن في مؤامرة أمريكية عاوزة تقسم أمتنا العربية كلها على أساس كانتونات طائفية ومذهبية وطالما كلكم عاوزين تواجهوا المؤامرة دي وشايفين أن 30 يونيو كانت البداية، يبقي لازم تكملوها بمحاربة الأحزاب الطائفية والدينية اللي بتنفذ المشروع ده على الأرض».
وأضاف مؤسس «تمرد»: «يعني مثلا تلاقي حزب النور عامل مؤتمر ويقولك لمحاربة انتشار الفكر الشيعي طب ويا بني جهل أنت وهو من أمتي مصر كان عندها مشكلة مذهبية أو أزمة سنة وشيعة».
وتابع «بدر»: «المصريين طول عمرهم ليهم طبيعة خاصة بيحبوا آل البيت وبيتباركوا بيهم وبيتعبدوا بالمذاهب الأربعة.. والأزهر طول عمره بيدرس مع المذاهب الأربعة المذهب الجعفري.. ليه بقي تخلقوا مشكلة في بلدنا وتحولوها لحرب.... مين مستفيد من الحرب دي إلا جاهل أو مأجور؟».