بالفيديو.. مواطنون: وزير الكهرباء «يستاهل الخنق» لأنه «مش حاسس بينا»

تكررت أزمة انقطاع التيار الكهربائي في الفترة الأخيرة لساعات طولية تصل في بعض المناطق إلى 12 ساعة يوميًا، وسط استياء المواطنين في مختلف المحافظات، إلى أن تطورت الأزمة وأصبح انقطاع الكهرباء «جزءا من حياة المصريين اليومية»، ولا يفرق بين الغني والفقير، ونادى البعض برحيل الدكتور محمد شاكر، وزير الكهرباء، بسبب فشله في حل الأزمة.
كاميرا «فيتو» سألت المصريين: «هتعمل إيه لو وزير الكهرباء جارك؟».
محمد حمدي، قال إن «تكرار انقطاع التيار الكهربائي أصبح أمرًا لا يتحمله أحد، ويثير استياء جميع المصريين»، مضيفًا «أنا لو جار وزير الكهرباء هدخل شقته وأطرده منها، لأنه مينفعش يسكن جنبي أصلًا بعد اللى بيحصل فينا.. أنا مبقتش أعرف أنام من الحر.. دا وزير فاشل».
وقال محمود أيمن: «يعنى هعمل إيه بس.. هو إحنا نقدر نعمل حاجة»، مضيفًا: «أزمة انقطاع التيار الكهربائي تحتاج لتدخل سريع من الجهات المسئولة».
وعبر عبدالرحمن أيمن، عن استيائه من أزمة انقطاع الكهرباء قائلًا: «والله لو وزير الكهربا ساكن جنبي كنت أخنقه زي ما إحنا مخنوقين، ومش لاقيين حل لمشكلتنا».
وقال سيد عاشور: «أنا لو وزير الكهرباء جاري مش هعمل له حاجة.. هقطع النور عليه بس علشان يحس باللي إحنا فيه».