لقاءات خاصة

موضوع الحلقة : أزمة الطاقة
اهم ماجاء في الحلقة
تبادل الكهرباء مع السعودية سيتم قبل رمضان
الفحم ليس مادة خطرة كما يدعي البعض طالما تم بضوابط ومعايير
سرقات الكهربا لانها مشكلة كبيرة وتؤثر على انقطاعات التيار
احمد وجيه : اهلا بكم في حلقة جديدة من برنامج لقاء خاص حول ازمة الطاقة ستدور حلقتنا اليوم مع الدكتورة منى جمال الدين استاذ صحة البيئة وعميد كلية الهندسة والطاقة بداية هناك تصريحات حول تبادل الكهربا مع السعودية خاصة انها هتوفر لنا 3 الاف ميجاوات في وقت الذروة ازاي دا يحصل يادكتورة
د/منى جمال الدين: دا وارد انه يحصل ودا هيكفينا في النقص اللي عندنا لانه مفيش قلق خالص في فترة اصيف اللي جاة ومعمول حسابها بحيث ان الطاقة الزيادة على اوائل شهر 7 والضبط انه تبقى قبل رمضان ويبقى فه اطمئنان على انه ما يبقاش فيه صيف ساخن
احمد وجيه : معدل التنمية المأمول اللي احنا نصل له حوالي 3.5 % احنا محتاجين قد ايه معدل تنمية في الكهربا
د/منى جمال الدين:لازم تكون الخطة انها تغطي كلا احتياجاتنا حسب المشروعات المستقبلية يعني منظومة ادارية حتى نستخدم كل مواردنا ومخلفاتنا كمان يعن مخلفات لاصرف الصحي المعالج ما ينفعش ما نعملش بيها غابات شجرة ومساحات خضراء فهي رؤية عايزة تبقى شاملة
احمد وجيه : مشكلة عدم تحصيل الكهربا من بنها
د/منى جمال الدين:دي مشكلة يا اما عدد الكشافين مش كافي يا اما التقاعس
احمد وجيه : بنناشد وزارة الكهربا ويشوفوا المناطق اللي فيها قصور انها تشوف هذه المسالة .. دكتورة منى موضوع سرقة التيار الكهربي
د/منى جمال الدين:امبارح لسه حديث مع رئيس مجلس الوراء مع وائل الابراشي واتحدث انه فيه تفعيل لضبط حالات سرقة الكهربا وبيضبطوا حالات كتير جدا كل يوم ا
احمد وجيه : بس فيه مشكلة انه بعض الناس بيقولوا انه من حقنا يوصل لنا كهربا خاصة في المناطق المخالفة
د/منى جمال الدين:يعني لازم نتطرق لمشكلة العشوائيات لانه المخالف دا منطقة عشوائية مكانتش مخططة يعني انا برضه التمس له بعض العذر انه مالقاش المنطقة المخططة اللي يسكن فيها على اسس صحيحة
احمد وجيه : ونتمنى ان مباحث الكهربا تبذل جهد الفترة القادمة انها تواجه سرقات الكهربا لانها مشكلة كبيرة وبتاثر على انقطاعات التيار في مناطق تانية.. ايه موضوع الفحم يادكتورة
د/منى جمال الدين:احنا النهاردة بنتكلم ان المواطن العادي زكي وواصلاه القصة انه الفحم مش بالرعب اللي بيوصلوه
احمد وجيه : ماذا عن تعميم العدادات الرقمية رغم ان البعض من الممكن انه يقول لا العدادات الرقمية مكلفة
د/منى جمال الدين:انا عايزة اتكلم عن الشوارع انه لحد دلوقت لازالت عواميد النور مضاءة يعني عايزة وقفة من المحليات لانها هتوفر لنا كتير
احمد وجيه : لو رجعنا لمشكلة الفحم فيه ناس تؤيد دخول الفحم في محطات الكهربا حضرتك مؤيدة
د/منى جمال الدين:بضوابط ومعايير
احمد وجيه : لو اتكلمنا في نقطة انه الفحم وقابليته للنضوب مقارنة بالبترول هل ممكن نواجه مشكلة النضوب للفحم بعد فترة
د/منى جمال الدين:طبعا اي طاقة هيحصل لها نضوب لكن فيه جزئية بتاع الفرن بتاع الفحم وهي الجزئية التانية في التعامل مع الفحم الفرن نفسه طبقا لتقرير صادر من هيئة حماية البيئة الامريكية هما 3 غازات متوقعين انهم يخرجوا عند حرق الفحم مقارنة بالغاز الطبيعي واول حاجة اكاسيد النيتروجين ودا نسبة خروجه مع الفحم بتبقى اكتر من الغاز الطبيعي لانه الفحم ما بيحتاجش درجة حرارة عالية عشان يدينا الطاقة اللي احنا عايزينها ففي النهاية خلى شركات اسمنت كتير في امريكا تتحول من الغاز الطبيعي الى الفحم تاني واحد ثاني اكسيد الكبريت ولكن دا حمضي والفرن بتاع الاسمنت القلوية فيه شديدة جدا واحنا عارفين ان الحمضي مع القلوي بيعادلوا بعض فبالتالي اللكبريت وثاني اكسيد الكبريت 95% منه بيتعالج وهو جوه الفرن واخر واحد ثاني اكسيد قلق شديد منه والحل انه نكثف التشجير اللي بياخد ثاني اكسيد الكربون وبيطلع لنا اكسجين نقي بالاضافة الى انه عملية تكثيف التشجير هيدينا مظهر حضاري
احمد وجيه : مسالة وجود الفحم كعنصر خام الفحم اللي احنا بنتكلم عليه مادة بتيجي منين مناجم ولا فحم ناتج عن احتراق بعض الاعشاب والنباتات
د/منى جمال الدين:هو الاساس فيه مادة الكربون وعندنا فحم نباتي والاتنين مستخدمين
احمد وجيه : والاكثر شيوعا في محطات الكهربا
د/منى جمال الدين:الفحم النباتي
احمد وجيه : تسعير الطاقة اثارت لغط في الفترة اللي فاتت .. 80% من اجمالي الكهربا بتروح ل20% بس من المستهلكين وهم غير مستحقين للدعم و20% من الكهربا بتروح ل80% منمستحقي الدعم نسبة وتفاوت كبير ازاي نقضي على الشكل دا من التفاوت
د/منى جمال الدين:اعتقد انه فيه شغل على المنظومة دي انه الطاقة المدعومة تروح لمستحقيها وغير المستحق يدفع سعرها الحقيقي ولما يدفع سعرها الحقيقي هيبدا يفكر في الطاقات البديلة زي الشمس والياح وطول ما الطاقة مدعومة محدش بيفكر ونفس الشئ في المية استهلاكنا في المية غير عادي وغير محسوب وداخلين على ندرة في المية فعنلية تسعير المية المواطن في الاخر هيدفع نفس التمن بس هيكون رشد في الاستهلاك
احمد وجيه : لما نيجي نتكلم عن الترشيد ايه اللي ممكن يعمله المواطن عشان يرشد في الكهربااجة .
د/منى جمال الدين:المبة اللي مالهاش لزمة نطفيها ونحطاللمبات الموفرة والتكييفات تتحط على درجة 25 لانها بتفرق كتير مع لو انه لو الدنيا حر بننزل ستاير على الشبابيك بتحجز الحر .. تاني حاجة غسالة الهدوم يعني الهدوم اللي مش محتاجة تشتغل على درجة الغلية مانشغلهاش لانها بتفرق في الطاقة عملية تسخين المية فما ندخلش الغسالة على درجة حرارة عالية الا اذا كان فيه ضرورة
احمد وجيه : مع المساحيق الجديدة هل احنا محتاجين نسخن المة لدرجة الغلين
د/منى جمال الدين:لا خالص,, ثالثا التلاجة كتر فتح التلاجة بيستهلك طاقة فممكن في الصيف نجيب كولمن صغير للمية وحاجة تانية ان الحاجة اللي عليها استهلاك كتير نحطها في التلاجة من بره عشان يوفر لك في المدة اللي انت فاتح فيها التلاجة والتليفزيون نشيل الفيشة بعد مانطفيها
احمد وجيه : دي اجراءات لاستهلاك الكهربا طب اسمح لي بعض الحلقات كان ضد استهلاك الفحم في ظل التقارير العلمية تقدري تفسري لنا ليه الحلقات ضد استخدام الفحم
د/منى جمال الدين:طبقا لاحدث تكنولوجيات عالمية الفحم كويس ولكن على اسوا الفروض انه كفانا قوى مش رايدة لنا الخير لانهم يعلموا تامما ان البلد دي قوية وهتقوم بس عايوين نكون مع بعض واتفق ان احنا نختلف في الراي جوه المسالة ولكن على اساس انه نتحرك لقدام والهدف بتاعنا تنمية مستدامة واقتصادية وما نوقعش صناعتنا الوطنية مع تنمية اجتماعية والحفاظ على البيئة والموارد ودا اللي احنا مطمنين منه من التكنولوجيات لانه مستخدم في كل دول العالم
احمد وجيه : هناك من يحاول عرقلة التنمية في مصر
د/منى جمال الدين:بس ولادها الشرفاء مش هيسمحوا لهم
احمد وجيه : هل الفحم دا افضل البدائل لتوليد الطاقة وهل الحل الوحيد لمشكلة الطاقة وتوفير مصادر بديلة
د/منى جمال الدين:القرارا الامثل هو استخدام الموارد المتاحة باعلى كفاءة مع المنتج اني احافظ على البئة دي اقل التكاليف واحنا في ظروف استثنائية وظروف صعبة ولازم نعديها واحنا قلنا ان الفحم هيستخدم واحنا مطمئنين وفي نفس الوقت مع افاق الطاقات الجديدة والمتجددة مافي ذلك شك ..
احمد وجيه : البعض مازال يتخوف من الصحة العامة واولها الدكتورة ليلى اسكندر وزيرة البيئة
د/منى جمال الدين:انه يبقى فيه تخاذل وعدم القيام بالدور الكامل خطأ واعالجه اني اخد الدور السلبي اني اقعد الناس من المصانع واقعدهم في البيوت ولا اعالج الخطأ انه لو فيه تقاعس او عدم جدية في الدور المنوط بالاجهزةوبعدين احنا داخلين على مرحلة كلنا لازم نشتغل
احمد وجيه : شكرا لك والى اللقاء