«قطع الكهرباء ساعة الفطار والسحور جريمة»: إسراء: متخنقش الناس أكتر ماهم..سكر: بنرجع للعصور الوسطى..صالح: الأرياف بتعاني..إياد: روشتة قبل الفطار وبعده..محمد: كل مرة آكل في طبق أخويا..فرانكو: إحساس جديد

انتاب رواد مواقع التواصل الاجتماعى مزيجا من الاستياء والفكاهة، نتيجة لاستمرار انقطاع التيار الكهربى لاسيما في أوقات الإفطار والسحور خلال شهر رمضان المبارك.
ودشن نشطاء موقع التواصل الاجتماعي «تويتر»، اليوم السبت، هاشتاج يحمل عنوان: «قطع الكهربا ساعة الفطار والسحور جريمة». ومن جانبها رصدت «فيتو» أبرز التعليقات..
أبو ميدو: "اعملوا محطات جديدة اعملوا مفاعل نووى لتوليد الكهرباء اعملوا أي حاجه اتصرفوا لكن حرااااام كده بجد".
عماد أمين: "اكتب منطقتك لو بيتقطع عندك النور ساعة الفطار أو السحور، وانشر وريتويت لو سمحتم قطع الكهربا ساعة الفطار والسحور جريمه، ".
رفيعه هان: "قطع الكهربا ساعة الفطار والسحور جريمه وساعه الذروه وساعه ما بشوفك جنبي".
منه: "بلاش تعكنن على الصايم وتبوظ فرحة إفطاره بعد يوم صيام طويل في الحر، كفاية مستحملين بقية الاوقات إتصرف".
الشبراوى: "الكهربا مش بتقطع ليه في المناطق الراقيه اللى ساكن فيها الوزراء ورجال الأعمال ؟؟ولا احنا ولاد.. ؟؟".
عبد الرحمن: "لو لسه عندك ذرة ضمير خاف من دعوات الناس الصايمة أو اللى هيصوموا ومتقطعش النور".
أحمد: "النور النهارده جه قبل الفطار بنص ساعه وقطع تاني بعد الفطار بنص ساعه وغالبا هيقطع وقت السحور برضه".
أحمد صديق: " بني سويف وهنموت من الحر وداخلين على تسلخات".
إسراء عبد الفتاح: "إذا أمرت أن تطاع فأمر بما هو مستطاع، فكر تاني وابعد عن ساعة الفطار والسحور، انا مش بقولك متقطعش النور انا بقولك خلي عندك دم ومتخونقش على الناس وقت سحورهم ووقت افطارهم، نص الشهر خلص خليك مع الناس وارحمهم النص الثاني واحنا بنتكلم عن ساعتين في اليوم يا فندم، قطع الكهربا ساعة الفطار والسحور جريمه".
شاى سكر برا: "الحياة بتبدأ بدائية وبعدين مع الوقت بيحصل تقدم إلا في مصر بنرجع للعصور الوسطى تاني واستخدام الشمع، أول إمبارح فطرت على ضوء الكشاف إمبارح فطرت على ضوء الشموع إنهارده فطرت في الضلمة".
إياد عبد الفتاح: "الموضوع عامل زى روشته قبل الفطار وبعده وقبل السحور وبعده، حسبى الله بونعم الوكيل ".
محمد فرغلى: "انا كل مرة آكل في طبق أخويا قطع الكهربا ساعة الفطاروالسحور جريمه".
صالح مش صالح: "هو القطع في أي وقت جريمة والله ده بقي كتير وحرام الارياف بتعاني".
أحمد فرانكو: "الحكومة بتعلم الشعب احاسيس جديدة".