الجماعة الإسلامية ونبذ العنف.. «دونت ميكس»

رغم أنها جمعة لنبذ العنف إلا أن الشعارات المرفوعة كانت عنيفة، الجمعة التى دعت لها الجماعة الإسلامية لرفض دعوات إسقاط النظام، والتأكيد على استمرار سلمية الثورة بدأت بعدة طلقات فى الهواء، اللافتات المرفوعة فى المليونية كانت تطالب بحقوق الفقراء، وهى مطالب من الطبيعى أن يرفعها المعارضون لمرسى، الغريب أن هذه المرة رفعها أنصاره، وهو ما جعل الشباب يردون عليهم: "أسألوا إلى جابوا لكم الأتوبيسات"، "فرم المعارضة" هو المصطلح الأهم الذى رفعه المؤيدون لمرسى فى مليونيتهم السلمية، "فيتو كافيه" رصدت أهم تعليقات الشباب..
ياسر معروف: الجماعة الإسلامية تبدأ فاعليات جمعة نبذ العنف بإطلاق أعيرة فى السماء.
محمد الرفاعى: عمو عمو.. "نبذ" بتسلم عليك وبتقولك ارحم أمى العيانة.
منير خلف: الجماعة الإسلامية.. ونبذ العنف دونت ميكس.
أمين النوسانى: هى الناس دى مش فاهمة إنها رايحة تساند الرئيس؟؟ واحد رافع يافطة "أين حقوق الفقراء، ما تسأل اللى شحنك ف الأتوبيس وجابك هنا".
محمد فرج: فى مليونية نبذ العنف.. عبود الزمر.. تنظيم القاعدة.. اعلام السعودية.. صور عمر عبد الرحمن وأسامة بن لادن!
محمد عادلى: الأستاذ اللى واقف على المنصة نبذ العنف؟؟، طيب الأستاذ اللى معاه الكاميرا نبذ؟؟ الأستاذ اللى ورا هناك نبذ ولا عاوز حد يجى ينبذله؟؟ كله نبذ يا جماعة ولا لسة؟؟ كل واحد بقى ينبذ والنبى يا جدعان.
أحمد قريطم: فى مليونية لا للعنف، الإسلاميون يطالبون مرسى ب"فرم" المعارضة.
مروان عبد المتجلى: وعلشان ما يبقاش فيه مجال للشك فى نوايا الإسلاميين الحسنة، كانوا رافعين من ضمن اللافتات لافتة بتقول "نعم للتواجد الأمنى" بخط أزرق أو أخضر داكن.. ولا للبلطجة بخط أحمر، نفس السيناريو بتاع الاستفتاء بيتكرر يا جدعان.. وقالت الصناديق للعنف لا.. لا يا وحش، اوعى كده يا عنف بلاش بواخة!
محمد السرى: بيفكرونى باللى ينزل يقول سلمية ومعاه المولوتوف.