فتاة: ارتديت الخمار ولم أنجو من التحرش

قامت مبادرة "شفت تحرش"، اليوم الثلاثاء، بنشر شهادة فتاة تعرضت للتحرش الجنسى، والتزمت المبادرة بعدم نشر بيانات الفتاة حفاظًا على حقها في سرية بياناتها وهويتها.
نص الشهادة:
عندى مشكلة وياريت رسالتى توصل
أنا بنت مصرية حصلى كتييييييييير تحرش من بقا كلام لحد مد إيد وغير كدا شوفت كتير مواقف تحرش بصحابى ببنات معرفهمش تقريبا نادر جدا مشيت في الشارع من غير ما حد يتحرش بيا وطبعا في مجتمعنا مش هينفع أروح أقول لماما ولا بابا ولا اخويا فكنت بسكت بقول حسبى الله ونعم الوكيل واللى هيرد ويقول اكييييييييييد لبسك ملفت أو انتى ذات انوثه طاغيه فبتخلى الشباب تتحرش بيكى احب اقولكم انى لبسى محترم جدا جدا ومحجبه ومش الانوثه الطاغيه دى لا بنت عاديه جدا مفيش أي شىء ملفت خالص واللى بيتحرشوا معظمهم رجاله كبار وشباب برضه مبقاش في حد معين متهيئلى بقا شىء عادى في مجتمعنا وفى يوم لبست خمار وعبايه قولت يمكن اللبس عليه عامل أول يوم نزلت من البيت مشى ورايا راجل كبير قد بابا تقريبا وفضل يقول كلام قذر وانا لبسه خماااااااااااااار.. المهم انى اتقدملى شاب محترم واتجوزنا ولكنى اكتشفت انى مش قادرة اعيش حياتى طبيعيه ولا اعطى أمان لزوجى خوف شدييييييد ورعب شديد من زوجى مع اننا بنحب بعض وروحت لدكتور قالى انتى عندك حاله نفسيه تخيلو الموضوع وصل لإيه وصل لمرض نفسى تفتكروا اللى بيتحرش ببنت بيكون متخيل حجم المصيبة اللى بتحصل للبنت متخيل حجم الألم النفسى عارفين انا بجد هاين عليا امشى بسكينه وأول حد يتحرش بيا اقتله عشان بجد هما بيموتوا فينا إحساسنا وبرائتنا حتى مستقبلنا قتلوه... حسبى الله ونعم الوكيل.