حرب إلكترونية بين عمرو مصطفى وسلمى صباحي

اشتعلت بوادر حرب إلكترونية بين سلمى، نجلة المرشح الرئاسي حمدين صباحي، والملحن عمرو مصطفى، بعد أن بدأ كلاهما في توجيه الاتهامات للآخر عبر موقع "فيس بوك".
وأبدت سلمى إعجابها بأغنية "بشرة خير" للمطرب الإماراتي حسين الجسمي، ولحنها عمرو مصطفى، فهاجمها الأخير، ووالدها؛ فردت ابنة صباحي: "مش عزيزي عمرو مصطفى.. معلش مقدرش أقول عزيزي لحد مش عزيز عليا فعلا! ليه بتجر شكلي!! دانا لسة بشكر في الغنوة!!".
وتابعت: "أنا عارفة إن الغنوة لحنك وعارفة إنك مؤيد للسيسي وعارفة إنك مبتحبش حمدين وواثقة إنك مابتحبوش- عن جهل- زي بالظبط مانت مش عارف بيشتغل إيه- عن جهل- وزي ما بتقول وبتردد كلام كتير جدا عن جهل برضو.. بس ده مالوش أي علاقه بأن الغنوة فعلا عجبتني".
ووصلت: "الفن بالنسبة لي أنقى وأرقى من التوجهات والاختلافات والغنوة كلام قبل ما تكون لحن ومانكرش إن اللحن اللذيذ اللي شبه كل ألحانك المنحوتة عجبني برضو.. إنت معروف عنك من أيام الجامعة أصلا إنك "نحيت" شاطر بصراحة.. دي حاجة معروفة في الوسط كله مش أنا اللي اكتشفتها حتى اسأل أي حد".