نشرت الفنانة إنجى وجدان، اليوم السبت، عبر حسابها ب«تويتر» رسالة تؤكد فيها أنها لم تدخل التمثيل عن طريق الواسطة، وأنها عانت كثيرًا قبل أن تصل إلى ما هى عليه الآن، حيث كتبت: «ارجع تاني أقول والله ما ليا واسطة مدخلاني الوسط الفني، أبويا وأمي دكاترة وأصلا كانوا ضد الفكرة تماما.. قرايبي كلهم بعيد عن الوسط، دخلت والحمد لله عملت شغل حلو، وجت فترة مش أحسن فترة واتبهدلت واتحاربت من كذا اتجاه، وكنت كل مرة أقول خلاص كفاية ربنا يبعتلي حاجة كويسة، عمري ما جيت على مبادئي ولا كرامتي علشان أشتغل، مش باخد ملايين برضه على فكرة». وأضافت إنجي: «الحمد لله أنا باعرف أعيش كويس سواء معايا 5 جنيه أو 500 جنيه في المحفظة، عمري ما كنت باشتغل علشان الشهرة والفلوس، لو كنت باشتغل لسبب منهم كان زماني في حتة تانية، باحب التمثيل بجد هو فعلا الحاجة الوحيدة اللي بتبسط وانا باعملها، متعب وبيخلي الواحد بعيد عن عائلته لفترة طويلة ولكن باصحى وأضافت إنجي: «الحمد لله أنا باعرف أعيش كويس سواء معايا 5 جنيه أو 500 جنيه في المحفظة، عمري ما كنت باشتغل علشان الشهرة والفلوس، لو كنت باشتغل لسبب منهم كان زماني في حتة تانية، باحب التمثيل بجد هو فعلا الحاجة الوحيدة اللي بتبسط وانا باعملها، متعب وبيخلي الواحد بعيد عن عائلته لفترة طويلة ولكن باصحى كل يوم عايزة أروح الشغل علشان باحب الشغل، عمري ما أذيت حد ولا باحب أأذي حد». وتابعت: «يمكن مشكلتي الكبرى إني صريحة بزيادة ومش باعرف أنافق، وده ساعات بيسبب لي مشاكل من غير ماخد بالي، ولكن بجد لما مش باحب حد مش باعرف أبقى لذيذة وبيبان عليا جدا، والحمد لله (طلعت روحي) أقدر أقول عليه إنه أكبر نجاح ليا، وإنه هيفضل دايما في قلبي ليه مكانة خاصة». — إنجي وجدان (@anouj7) July 27, 2019