بلغوة داب قلبى داب وداب دوبونى الغمزتين مين يامن لك مين المطرب الفنان احد رموز الزمن الجميل ماهر العطاروسؤال اين هو الان ؟ فى حديث المدينة .. الفنان ماهر العطار : زمن اه خمسين سنة مفيد فوزى : اخر مرة جاءت لك كاميرات ايه ؟ الفنان ماهر العطار : 20 سنه مفيد فوزى : ياه حاسس باية والكاميرات دى شغالة؟ الفنان ماهر العطار : فرحان مفيد فوزى : بتشوف ايه بتشوف تليفزيون ؟ الفنان ماهر العطار : هو انا عندى شغلانة غيرة مفيد فوزى : بتشوف عمرو دياب ؟ الفنان ماهر العطار : اه مفيد فوزى : ايه رايك فى عمرو الفنان ماهر العطار : كويس مطرب مفيد فوزى : الاغانى الفنان ماهر العطار : فى اغانى كويسة مفيد فوزى : وتامر حسنى انت عمراوى والا تمراوى ؟ مرة برنامج فى التليفزيون قال كدة قال انت عمراوى والا تمراوى ؟ الفنان ماهر العطار : انا الاثنين لا عمراوى ولا تمراوى اه احب محمد منير محمد ثروت هانى شاكر اصوات كويسة اه طبعا مفيد فوزى : وستات مطربات ؟ الفنان ماهر العطار : لالا مفيد فوزى : ستات الفنان ماهر العطار : انغام كويسة مفيد فوزى : انغام الفنان ماهر العطار : اه مفيد فوزى : لكن مش هيفاء وهبى الفنان ماهر العطار : هيفاء وهبى بترقص مفيد فوزى : طب واصالة الفنان ماهر العطار : لآ ده صوت هايل مفيد فوزى : وديانا حداد الفنان ماهر العطار : مش قوى احبها عشان خطرك مفيد فوزى : لالالا العفو مش عشان خاطرى عشان صوتها جبلى الفنان ماهر العطار : عارف بتفكرنى بمين من جيلنا مفيد فوزى : بسميرة توفيق الفرس ده حلوة الفرس دى لما توصف امراة مطربة انها فرس تبقى اكيد عظيمة المزيكا حالتها اية وانت شاهد على كل هذا الزمن الفنان ماهر العطار : مفيش مزيكا زى الاول كانت سهلة زى احمد فؤاد حسن صلاح عرام لية كان فى فرق موسيقية دلوقتى المطربين هما اللى بعملوا فرق مفيد فوزى : المطربين بيعلموا فرق الفنان ماهر العطار : اه مفيد فوزى : انت خرجت امتى من هذه الساحة لية خرجت السؤال هل للصوت عمر الفنان ماهر العطار : لآ عبد الوهاب وام كلثوم غنوا وكانوا كبار مفيد فوزى : ايوا انت ايه اللى منعك ان مشوارك يستمر؟ الفنان ماهر العطار : زهقت مفيد فوزى : اناعايز افهم ليه الفنان ماهر العطار : مفيش ملحنين زى زمان كل الملحنين الكبار ماتوا مفيد فوزى : بقيت لوحدك كدة زى الفرع الجاف الفنان ماهر العطار : اه مفيد فوزى : مفيش حد هيغزيك الفنان ماهر العطار : ايوا مفيد فوزى : يعنى هو جزء من سعادة عبد الحليم حافظ ان كان حوالية هذه الكوكبة الفنان ماهر العطار : اه كبعا هما دول اللى سندوة رفعوه كان حبيبى قوى يحبنى واحبة جدا كل يوم كنت عندة فى البيت اقعد العب كوتشينة مفيد فوزى : وعلاقتك ايه بمحرم فؤاد الفنان ماهر العطار : بردوا الله يرحمة مفيد فوزى : وفريد الاطرش؟ الفنان ماهر العطار : يا سلام بروح بردوا عندة مفيد فوزى : انت لو ماكنتش اشتغلت كثير فى السينما كان زمانك استمريت هل صحيح السينما زى ما بيقولوا خدتك لحم ورميتك عظم الفنان ماهر العطار : انا عملت ست افلام مفيد فوزى : بس اشتغلت افلام مع سامية جمال الفنان ماهر العطار : اه سامية جمال وتحية كاريوكا مفيد فوزى : هو انت كنت شقى الفنان ماهر العطار : كنت شقى قوى اه اه مفيد فوزى : الشقاوة دى من الشهرة الفنان ماهر العطار : اه من الشهرة مفيد فوزى : الشهرة صرفت كثير فلوس الفنان ماهر العطار : اه اه طبعا مفيد فوزى : كنت بتصرفها فى ايه ؟ الفنان ماهر العطار : يعنى الشرب واللعب كوتشينا وبتاع مفيد فوزى : محدش كان بينبهك ؟ الفنان ماهر العطار : لالا مفيد فوزى : انت فاكر ان انا مرة شفت عبد الحليم حافظ فى بيت محرم فؤاد مش ناسيها ابدا وكان عبد الحليم بيلعب كوتشينة فا الله يرحمة سمير البندارى قال له قوم روح علشان انت عندك شغل بكرة فا استهبل فا جاب كوباية مية ورشها علية على وشة ما انساش دى ابدا وتقبلها عبد الحليم بدرجة من التسامح كان فى وجود الموجى الفنان ماهر العطار : وانا كنت موجود ومحرم مفيد فوزى : ايوا بالضبط الزمن اللى انا باقول علية الزمن الجميل انت فى تقديرك مين الفنان ماهر العطار : عبد الوهاب وعبد الحليم وفريد الاطرش والتلبانى وماهر وعبد المطلب والعزبى مفيد فوزى : كل الاسماء دى الفنان ماهر العطار : طبعا مفيد فوزى : لما بتشوف اصوات طلعة على الشاشة الفنان ماهر العطار : اه بس يكافحوا ويعملوا حاجة كويسة احمد ابنى منهم مفيد فوزى : كنت عايز بقى اسالك عن احمد احمد كا انسان وانجاب لك هل انت دفعت باحمد كان بيشتغل بيزنس فى حاجة معينة الفنان ماهر العطار : فى امريكا مفيد فوزى : فى امريكا لما سافر هل احمد انت فرضت علية انه يشتغل فى الطرب الفنان ماهر العطار : لا احمد هو بيحب الغنا وادائة كويس مفيد فوزى : امال ازاى ما اخدش مكانة مع انه شاب وصغير ووسيم الفنان ماهر العطار : لسة شوية مفيد فوزى : احمد العطار اخذت ايه من والدك احمد العطار : اخذت حاجات كثير جدا القبول وحب الناس وحتة صغننه من خامة صوته ده اللى الناس بتقولة لى مفيد فوزى : زى ايه قول لى كدة مين يامن لك مين احمد العطار : مين يامن لك مين وانت عنيك حلوين مين يامن لك مين وانت عنيك حلوين جايز وانت شاغلنى تشغل ناس تانين مين يامن لك مين وانت عنيك حلوين مين يامن لك مين مفيد فوزى : صوتك جميل يا احمد مشكلتك ايه مشكلتك مع الاذاعة احمد العطار : لآ لآ خالص بالعكس انا فى الاذاعة يعنى معتمد بعد ما خضت اكثر من اختبار طبعا هما كانوا الاول بيقولوا لى انت نجحت علشان الواسطة وبتاع لكن كانت مشكلتى ان انا مضيت مع اكثر من شركة انتاج كبار بدون ذكر اسماء وانا اتعرضت من خلال انتاج كان بابا عملة لى كانت اغنية لوحدها كانت اغنية فيديو كليب كان بيعلم الموضوع ده قناة فضائية واحدة بس كان اول البوم ليا مفيد فوزى : تفتكر الاحتكار ده مفيد احمد العطار : لا ضرنى جدا لدرجة ان انا علشان انتقل من شركة تعثرت لشركة تانى بقيت اروح اعارة زى لعيب الكورة ياخذونى لفترة وبعدين امضى للشركة الثانية اروح لها بعد ما اخلص مفيد فوزى : انت عندك كام سنة دلوقتى ؟ احمد العطار : لية بس كدة تكبرنى يعنى هههههههه مفيد فوزى : لآ لازم اعر ف احمد العطار : عندى 33 سنه مفيد فوزى : مش مصدق احمد العطار : ما انا علشان كدة مش عايز اقول لك هههههه مفيد فوزى : انت عديت الثلاثين ؟ احمد العطار : اه اصل لما عرفت ان انت تزوجت سارة المذيعة الجميلة دى قلت ياربى ايه اللى يخلى شاب عندة 22 سنة يتزوج بنت عندها 22 سنة فا دلوقتى لما عرفت ان عندك 33 سنة يعنى انت دلوقتى بقيت واعى وفاهم انت متزوج قريب احمد العطار : يعنى بقالى سنة وثلاث شهور مفيد فوزى : ومش عايز تجيب اولاد ؟ احمد العطار : والله لسة ما حصلش نصيب مفيد فوزى : انت ايه العوائق اللى كانت واقفة فى طريقك انت كا مطرب شاب ؟ احمد العطار : والله هقول لحضرتك انا بدايتى كانت 2004 شاب يعنى بدات اول تعارف ما بين الجمهورعرفنى سنة 2002 والاغنية اللى كان سنجل كانت اغنية اسمها كل ما اقول وكانت اغنية فيدو كليب كانت قناة فضائية واحدة هى اللى بتذيع الاغلانى بعد كدة فى 2004 نزلت اول البوم ليا وانتشر الحمد لله جامد جدا وبعدين رحت حفلات وغنيت فى كل حتة فى مصر يمكن فى اقاليم لفيت كل المحافظات وانتشرت والحمد لله بعد الالبوم ده مضيت مع شركة ثانية وحصل تعثر حصلت خلافات مابينى وما بينهم وبعدين مع ذلك بقيت اقدم اغانى سنجل يعنى بقت الاغنية الواحدة علشان افضل متواجد والحمد لله بقيت ليا جمهور الحمد لله بيحبنى بيشوفنى فى الافراح وبيحضر لى فى الحفلات اللى باشتغل فيها بالذات حفلات الجامعات والمدارس مفيد فوزى : فى الافراح احمد العطار : انا كنت لسة فى فرح مفيش قبل رمضان وكان فية راقصة وكان فيه فرح جميل يعنى \ مفيد فوزى : حد مشهرو ؟ احمد العطار : لآ مش مشهور او مش عارف يعنى بالضبط الاسم مفيد فوزى : بدات مطرب ايه مطرب شاب؟ احمد العطار : مطرب شعبى بينقوة علشان يبقى فى الشعبى بيجبوه يعنى انا والراقصة فا بيبقى 3 الوان مختلفين مفيد فوزى : قول لى يا احمد واحد معجب بيك يعنى معرفش الشباب يعنى مفيش ملهوش سلطنة مثل ما كان زمانا زمن ماهر العطار وعبد الحليم حافظ ومحرم فؤاد ليه ليه السلطنه دى مش موجوده ؟ احمد العطار : هقول لحضرتك انا اول ما بدأت بدأت الاول فى المجال انا كنت بره بادرس مجال رجال الاعمال فى امريكا بادرس بيزنس قعدت هناك مفيد فوزى : فى امريكا ؟ احمد العطار : اه مفيد فوزى : قعدت هناك اد ايه احمد العطار : قعدت 7 سنين مفيد فوزى : فى امريكا مفيد فوزى : اغرتك بايه اديتك ايه ؟ احمد العطار : اتعلمت حاجات كثير جدا هناك ان انا دخلت الاول مدارس عسكرية وبعدين دخلت مدارس عادية اللى عنا المدارس العامة وبعدين دخلت الجامعة هناك واستفدت هناك انا كنت هنا للاسف يعنى فى مداس بس ماكنتش باعرف اتكلم انجليزى بسبب التعليم كان هنا كان ضعيف شوية وانا كان امنية حياتى ان انا اسافر برة وكتر خير بابا وماما مفيد فوزى : طبعا ماما وبابا اكيد ساعدوك؟ احمد العطار : اه وصرفوا كثير قوى قوى على موضوع السفر ده ان انا كان نفسى اخوض تجربة جديدة واجرب واشوف العالم واشوف الدنيا واتعلم دخلت كذا مدرسة مفيد فوزى : الكلام ده افادك فى ادارة حياتك ؟ احمد العطار : والله هقول بحضرتك هو بس هو مش بالضبط انا كنت ممكن يعنى كنت صغير قوى يعنى كان سنى مهووس بامريكا مهووس وسافرت اوروبا مع بابا بس كنت مهووس بامريكا وكنت رايح مش هدفى ان انا مفيد فوزى : شفت عبد الحليم؟ احمد العطار : لآ هو ميت تقريبا فى السنه اللى انا اتولدت فيها مفيد فوزى : كده بتشوفة فى التليفزيون؟ احمد العطار : طبعا باحس ان هو بيخش قلوب الناس جدا وانا باحبة جدا وبعدين من كتر بابا حكاوية عنه وعلاقاتهم ببعض بردوا باحس ان هو قريب منه وان هو حته مننا وكلنا بنغنى له وكلنا اتكلمنا على اغانية مفيد فوزى : مش ملاحظ ان هما كتروا قوى احمد العطار : لآ هو فى الحقيقة هما كثروا احنا كنا فى الاول اربعة انا كنت فى بداية المطربيين الشباب كنا 4 كان تامر حسنى وشرين وهيثم شاكر واحمدالعطار خالد سليم فقط مفش شباب مفيد فوزى : خالد سليم من جيلك؟ احمد العطار : بدأ قبلى مفيد فوزى : بدأ قبلك احمد العطار : اه مفيد فوزى : جميل وهو صديق العليلة وصاحب والدتى وصوت جميل طبعا مفيد فوزى : انت فى تقديرك الشخصى مستقبلك ايه هو انت ما بتعملش حاجة غير الغنى؟ احمد العطار : خالص اه يعنى انا باغنى الحمد لله الحمد لله مفيد فوزى : وده ياكل عيش احمد العطار : بيجى الناس والمجموعة الى معايا عارفين ازاى مفيد فوزى : وهى سارة اتجوزتك كامطرب ؟ احمد العطار : انا زميلها مفيد فوزى : اه زمايل احمد العطار : اه زمايل بعد كده بعد ما رجعت من امريكا وبتاع مفيد فوزى : فا انتوا بقى رجعتوا احمد العطار : اه حصل بقى طبعا خطوبة وبتاع مفيد فوزى : طيب حاليا كان لازم تعمل بيت احمد العطار : اه عندى بيت عندى بيت الحمدلله مفيد فوزى : لكن انت حياتك ازاى من الطرب احمد العطار : مأديها ازاى من الطرب مفيد فوزى : حلو تعبير ماديها بيعجبنى قوى ده احمد العطار : اه الحمد لله انا مفيد فوزى : ماديها ايه يعنى ؟ احمد العطار : لالالا الحمد لله انا مش عايز اتكلم عن حتة ان انا الحمد لله باشتغل وكويس قوى الافراح والحفلات وده بيجيب لى دخل كويس بالاضافة لان فى بعض المشاريع بابا وعمى بردوا متداخل فيها بس من بعيد من بره مش متابعها معاهم انا مش مجالى بس مفيد فوزى : يعنى انت يا احمد اشطر من ابوك ؟ فى الحياة ؟ احمد العطار : هقول لحضرتك مفيد فوزى : مش حضرتى رد على السؤال ما تقعدش تلف انت لسة برعم ورور ا بابا انا كنت باتفرج علية وانا كنت صغير هو كان بيدير كل حاجة فى حياتة يعنى هو مدير اعمالة هو رئيس الفرقة هو كل حاجة انا معايا مجموعه بتشتغل معايا هما اللى بيظبتوا لى الدنيا وعشان كده احنا الحمد لله متواجدين مفيد فوزى : انت اكثر دراية فى الحياة من ماهو العطار فى زمانة ا لآ طبعا اصل انا مش هعمل مقارنة لزمانة ولغير زمانة يعنى هو زمنة غيرنا بابا كان بيعمل فى اليوم 15 فرح وبيغنى فى 3 نايت حضرتك بتتكلم فى اكثر من 18 اوبرا كل يوم كان بيرجع رابط لافف مانديل حولين رقبتة ومش قادر يتكلم انا باروح المدرسة وبابا راجع بيوصل الى 15 فرح وبعد كده يغنى فى النيت 3 او 4 يرجع الساعة 8 او 9 الصبح كان يقعد يقرا الاول الكتب جنبة وينام جانب الكتب اصل بابا الكتب عندة كانت اساسية مفيد فوزى : باتكلم انا ووالدك فكان فى ناس حوالية يعنى باس بيقولوا له ويفكروا له لان المخرج فى نهاية الامر صوت وجمهور مكنش حد يفكر ازاى الصوت ده يعنى ادارة الصوت ده مش حاجة مش سهلة ا طبعا لما كنت باسمع عن عبد الحليم باحس انه حالة خاصة ده كان مريض وبابا كان بيقول على طول كان بيخاف ينام بالليل وفى على طول الناس عندة فى البيت وما اتجوزش يعنى حياتة غير حياتى غير حياة بابا غير حياة محرم فؤاديعنى يعنى كل واحد وكان له اساسيات فعشان كدة حياتة كلها مفيش اكل مفيش شرب مفيش مفيش جواز ده حياتة حاجة ثانية فعشان كدة ادى لفنة كثير قوى ففنه عاش لحد انهاردة لجيلى والاجيال اللى جاية فاصل مفيد فوزى : هل علاقة المطرب بالملحنين لازم تبقى كلها سلاسة وحلاوة الفنان ماهر العطار : طبعا مفيد فوزى : اكثر حد من اللى اشتغلت انت معاهم كان مين ؟ الفنان ماهر العطار : الموجى وبليغ مفيد فوزى : مين اكثرهم شرقية الموجى والا بليغ؟ الفنان ماهر العطار : الموجى مفيد فوزى : الموجى بالذات اكثرهم شرقية الفنان ماهر العطار : اه مفيد فوزى : اكثر من بليغ ؟ الفنان ماهر العطار : اكثر من بليغ مفيد فوزى : الرتم عند بليغ هو اعلى حاجة ؟ الفنان ماهر العطار : اه عندة الرتم مفيد فوزى : امال كمال الطويل ايه ؟ الفنان ماهر العطار : كمال الطويل ملحن كويس جدا بس كان تخصص فى عبد الحليم مفيد فوزى : كان متخصص فى عبد الحليم يعنى كان بيغنى هل ده كان احتكار درجة من درجات الاحتكار؟ الفنان ماهر العطار : اه مفيد فوزى : عبد الحليم دائما كان يتقال انه فى مطربين ان بيسد عليهم السكة ده صحيح ؟ الفنان ماهر العطار : عبد الحليم قيمة جامده جدا هو كان خطير صوتة موهبة وعبد الوهاب كان يعنى كان اهبل ويشاركة يعملوا الفكرة مع بعض مفيد فوزى : لو ما كانتش هذه الموهبة الفنان ماهر العطار : فاذة مفيد فوزى : مش فاكر الفنان ماهر العطار : اه اه مفيد فوزى : انت بتشكى من ايه الفنان ماهر العطار : ولا حاجة الحمد لله مفيد فوزى : صحتك ايه ؟ الفنان ماهر العطار : كويسة الحمد لله كويس قوى باكل وباصحى وبنام وكل حاجة مفيد فوزى : وبتتفرج على التليفزيون الفنان ماهر العطار : طبعا بتفرج على التليفزيون واحمد باوجهة مفيد فوزى : بتوجهة ايه يعنى ايه النصايح اللى انت بتوجهها لاحمد؟ الفنان ماهر العطار : عمتا يسمعنى لحن اقول له لالا ده حلو ده وحش ده مش قوى ده وسط ده سرعة شوية مفيد فوزى : هو مين اللى بيلحن له ؟ الفنان ماهر العطار : الملحنين الجداد اللى موجودين يعنى مفيد فوزى : وانت كان شعورك بالمراة لا امان لها ؟ الفنان ماهر العطار : لا ابدا مفيد فوزى : مين الفنان ماهر العطار : انا امال ايه مفيد فوزى : المطرب بيغنى اختيار الكلمات ده اختيار الفنان ماهر العطار : انا كنت هلاس كنت وحش مفيد فوزى : هل ده جزء من الشهرة ؟ الفنان ماهر العطار : اتجوز بقى وبقيت كويس واتعدلت بقى مفيد فوزى : يعنى الجواز هو اللى عدلك انت الفنان ايه العوامل اللى ممكن تقضى عليه الفنان ماهر العطار : انه يشرب خمرة يشرب سجاير يشرب حشيش دى اللى تقضى على الفنان مفيد فوزى : تقضى عليه تماما الفنان ماهر العطار : اه مفيد فوزى : ايا كان الفنان ماهر العطار : اه طبعا عبد الوهاب وعبد الحليم ما كانوش يشربوا سيجارة ولا ام كلثوم مفيد فوزى : صحيح الثلاثة دول بالذات الفنان ماهر العطار : اه مفيد فوزى : محرم لآ الفنان ماهر العطار : ولا محرم مفيد فوزى : ولا فريد الاطرش انت عشت عبد اللطيف التلبانى مش كده الفنان ماهر العطار : اه طبعا وعادل مأمون مفيد فوزى : كنتوا سوا فى وقت واحد على حسب ما اتذكر كان ايه اهم غنوه لك الفنان ماهر العطار : افرش منديلك على الرملة ومين يامن لك مين وانت عنيك حلوين مفيد فوزى : دول كانوا اهم اغنيتين الفنان ماهر العطار : اه اه مفيد فوزى : فى الفترة دى بالذات لكن انت اشتغلت فى السينما كويس يعنى الفنان ماهر العطار : عملت افلام مفيد فوزى : وبعدين عرفت انك عملت حاجة مع يوسف شاهين غنوه هو طلب منك الفنان ماهر العطار : اه مفيد فوزى :فاكر الكلام اللى قلتة له ؟ الفنان ماهر العطار : لآ مش فاكر مفيد فوزى : ذاكرتك تعبت يعنى ما بتحولش انك تفتكر حاجات قديمة ؟ الفنان ماهر العطار : لآ افتكر لية يعنى اعمل بيها ايه مفيد فوزى : يعنى انت التغير ده انت عشتة وانت كنت مستحمل انا دلوقتى لما بابص لك بافتكر صهللتك زمان الفنان ماهر العطار : اه مفيد فوزى : وانت واقف على المسرح كدة زى الفراشة احمد بيفكرك بيك الفنان ماهر العطار : اه طبعا مفيد فوزى : بشبابك الفنان ماهر العطار : طبعا مفيد فوزى : انت ندمان على حاجة فى شبابك ؟ الفنان ماهر العطار : لا مفيد فوزى : خالص الفنان ماهر العطار : خالص ربنا يوفق احمد مفيد فوزى : لكن واضح انك انت بتأدى ساعات النهار الطويلة الفنان ماهر العطار : ادام التليفزيون وصيام وصلاه وعبادة مفيد فوزى : ما بتفتكرش اللى فات الفنان ماهر العطار : لآ بانسى اللى فات ده خالص مفيد فوزى : حتى النجاح وشهرتك الفنان ماهر العطار : هلوا عليها كده هلوا مفيد فوزى :هلوا والا هالوا ؟ الفنان ماهر العطار : هلوا مفيد فوزى :انت طبعا غنيت يعنى اكثر من كده فى زمن طويل وانا اقدر اقول لك حسب عندى شوية معلومات تقولى انت طبعا تتذكرها اكثر منى مش كدة يعنى انت اشتغلت فيلم اسمة لقاء الغرباء سنة 68 الفنان ماهر العطار : فى لبنان مفيد فوزى : دبلوم المعهد العالى للموسيقى العربية انت حصلت عليه سنة 60 الفنان ماهر العطار : اه مفيد فوزى :وبكالوريوس ادارة جامعة عين شمس سنة 65 لكن عمرك ما جبت لى سيرة المناصب النقابية اللى انت اخذتها فى نقابة الموسيقيين الفنان ماهر العطار : كنت امين صندوق النقابة مفيد فوزى : كام سنة الفنان ماهر العطار : 5 سنين مفيد فوزى : نقابة الموسيقيين خدمت النا س الفنان ماهر العطار : اه اه صلاح عرام كان الوكيل مفيد فوزى : لو عاش عمر خورشيد كان عمل حاجة الفنان ماهر العطار : اه مفيد فوزى : طب هانى مهنة كان زميل عمر خورشيد الفنان ماهر العطار : وكان بردوا وكيل الثانى مفيد فوزى :هانى مهنى فين دلوقتى ؟ الفنان ماهر العطار : بردوا زى كده اعتزلنا لابيلحن ولا عنده فرقة هيعمل ا يه مفيد فوزى : مادام ما بيلحنش الفنان ماهر العطار : اه عنده استديو باين مفيد فوزى : اه مين اكثر اصدقاءك اللى بيسالوا عليك دلوقتى الفنان ماهر العطار : صلاح عرام مفيد فوزى : عامل ايه حالتة الصحية ايه الفنان ماهر العطار : كويسة صلاح كبير عجوز مفيد فوزى : مين تانى ؟ مفيد فوزى : حد من المطربات اللى عايشين انهاردة بيسألوا عليك ؟ الفنان ماهر العطار : لا مفيد فوزى : لما بتخرج برة حد بياخد بالة من شكلك بصراحة ؟ الفنان ماهر العطار : دلوقتى خلاص الناس نسيت شكلى مفيد فوزى : نسيت شكلك تفتكر عبد الحليم مات فى اللحظة المناسبة قبل ما يتنسى ؟ الفنان ماهر العطار : اه طبعا طبعا مفيد فوزى : لكن انت دلوقتى شاعر انك اديت يوما ما مهمة وخلاص الفنان ماهر العطار : الحمد لله مفيد فوزى : الان انت فى مقاعد المتفرجين الفنان ماهر العطار : اه صح صح مفيد فوزى : بتقعد تتفرج وتقعد تنتقد الفنان ماهر العطار : بس مفيد فوزى : ده الشئ اللى انت دلوقتى بيسلى ايامك؟ الفنان ماهر العطار : اه صح مفيد فوزى : افرش منديلك على الرملة يعنى ايه فهمنى ؟ الفنان ماهر العطار : افرش منديلك ونادينى انا رهن اشارة يا نوارة بس انت لاغينى ورسينى ياابو قلب شبكنى بسنارة منديل الحب طرف عينى الله وبكلمة هتقدر تداوينى الله لو فتتح قلبك وتخلية ما يكونش فى يوم بالنضارة وافرش منديلك على الرملة وانا الف وايجى لك على الرملة هههه ايوا يا واد خدت الامورة ايوا يا واد وعرفت تنقى الافراح دى كانت ايه مفيد فوزى : بالنسبة لك طبعا الفنان ماهر العطار : فى ناس بيهيسوا مين يامن لك مين وانت عنيك حلوين جايز وانت شغلنى تشغل ناس تانيين ما انت عنيك حلوين مين يامن لك مين مفيد فوزى : مين كان بيكتب لك الفنان ماهر العطار : عبد الوهاب محمد مفيد فوزى : ماتت الكلمة الحلوة الفنان ماهر العطار : اه طبعا مفيد فوزى : معدش فية كلمة حلوة الفنان ماهر العطار : محمد حمزة مفيد فوزى : ومرسى جميل عزيز الفنان ماهر العطار : ده هايل هايل مفيد فوزى : يا اخى كل ما ابص لك دلوقتى شكلك وانت على المسرح وانت شاب الزمن ده غريب الفنان ماهر العطار : طبعا طبعا كل سنة وانت طيب
