زميل قاتل والديه في البحيرة: الجن السبب

كشف أحمد الجمل صديق قاتل والديه بمنطقة التمليك بكفر الدوار بمحافظة البحيرة، عن تفاصيل حياة زميله "عبد الرحمن" قبل ارتكاب الجريمة، مؤكدا أن الجن سبب الجريمة.
وقال الجمل: "عبده أرجل واحد كان ممكن تعرفه في حياتك، واحد من اللي هما تقابلهم مرة في العمر برغم أنه كان أصغر واحد فينا، بس كلنا كنا بنروحله بمشاكلنا ونترمي في حضنه، تقدر تطلع كل اللي جواك وأنت عارف أنه في بير، وعارف أن آخر كلامك مش هتلاقي كلمة معلش هتلاقي راجل بيشدك من إيدك بيقولك على حل يقويك".
اقرأ أيضا| شاب يذبح والده ووالدته في البحيرة
وأضاف: "لما كان بيحصل خلاف بيني وبين والدي كنت بروح بيته أعيش معاهم زي ما عشت مع أهلي، هي دي العيلة اللي أي حد يتمناها، وهو الأخ السند اللي بجد، يمكن اللي ميعرفوش ميفهمش، بس كل صحابه عارفين قد إيه الناس دي طيبة أوي"، موضحا: "أزمة عبده بدأت بعد موت أخوه لأنه كان متعلق بيه، هو كان محترم وأخونا كلنا موته إثر فينا وصدمة عبده على وفاته استمرت شهور، بعد كدا رجع الأمر لوضعه الطبيعي وبدأ عبده يلتزم في الدارسة، هو كانت متميز أخلاقيا و دراسيا كل اللي يعرفه يشهد بكدا، كان دايما يقول إنه هيسقط ولما النتيجة تطلع بيكون من الأوائل".
وذكر صديق الجاني: "المشكلة بدأت لما كان عبده في الصف الثانوي بسبب موقف حصل معاه غير حياته كلها، بدأ يشوف حاجات غريبة مبتظهرش لحد غيره، بدأ يروح أماكن غريبة في أوقات غريبة بدون أسباب، بدأ يستنجد بينا وحكى كلام محدش يصدقه، حاول يتعالج عند دكاترة كتير بس مفيش فايدة موصلش لأي نتيجة، بدأت تصرفاته تتغير أكتر، بقى عصبي مبقاش يتعرف علينا، حتى مرة وقفته أسلم عليه مكانش عارفني، عبده أتحول لشخص تاني مبينزلش من البيت، ساب الدراسة، أتحول لشخص مجهول كل محاولاتنا معاه فشلت، والكل بدأ يتجنبه وقلنا فترة تعب ويرجع زي الأول، وبالفعل عبده بدأ يرجع يتكلم معانا ويهزر مع أصحابه لكن مش زي الأول، كان دايما مخبي حاجة دايما سرحان، وكان بيبقي قاعد كويس وفجأة يشوف الخيالات ويسمع الأصوات اللي بتكرهه في كل الناس بدرجة أنه بيشوف الكل شياطين قدامه".
اقرأ أيضا| القبض على قاتل والديه في البحيرة
وتابع: "بعد فترة بدأ الجاني يلتزم في الصلاة والتقرب إلى الله والجلوس بصفة دائمة في المسجد، وبدأ في حفظ القرآن والسنة النبوية، كان تقريبا بيحاول يعالج نفسه بالقرآن بعد فشل كل الدكاترة معاه، بس نظرات الناس كانت من ضمن الأسباب أن حالته تسوء بعد شعوره أن الناس بتتعامل معاه على أنه مريض نفسي، وفي يوم حكى ليا أنه بيشوف والدته بطريقة مخيفة وبتتحول قدامه، وفي حاجات بتحركه عشان يأذيها وأنها مش أمه، حاجات بقالها 3 سنين بتحاول تسيطر على مخه تخليه يعمل حاجات غلط على أساس أنها الصح، وبعد فشل عبده في الدراسة بدأ يشتغل في أماكن بعيدة بقى عاوز يكون لوحده بعيد عن أي حد، ولما حاول يشرح اللي بيحصله الكل بقى يبصله على أنه مجنون أو بيتعاطى مخدرات، بس هو كان بيعاني من أزمة نفسية شديدة".
يذكر أن الواقعة بدأت بتلقي اللواء علاء الدين عبد الفتاح مدير أمن البحيرة، أمس الأحد، إخطارا من قسم شرطة كفر الدوار يفيد بعثور الجيران على جثتين " أ. ا" مدرس ثانوي، وزوجته "ل" بمنطقة التمليك بكفر الدوار، وتم تشكيل فريق بحث، وتبين أن وراء الحادث "عبد الرحمن" نجلهما ومريض نفسي، ذبحهما بسبب معاملتهما السيئة له وفر هاربا، وتمكنت القوات الأمنية من ضبطه، في وقت سابق اليوم الإثنين.