أحمد موسى عن «تعليق عمل مكتب BBC»: العين الحمراء لازم تظهر (فيديو)

قال الإعلامي أحمد موسى، إن الهيئة الوطنية للإعلام قررت تعليق عمل مكتب «BBC» بالقاهرة.
وأضاف «موسى» خلال تقديمه برنامج «على مسئوليتي»، المذاع على فضائية «صدى البلد»: «بحيي القرار، لازم نبقى عارفين إن إحنا لا يمكن حد هياخدنا في سكته، إحنا بلد كبيرة وبلد قوية، والعين الحمراء لازم تظهر، مش ممكن نسمح مرة تانية للأكاذيب اللى عملوها على مدى 7 ولا 8 سنوات، لأن دا اللي بيسيء لمصر».
وتابع: «أيَّا كانت الدولة وأيَّا كان المراسل، تعمل شغلك المهني تعظيم سلام ليك، بيجيلنا كل شهر 200 مراسل زائر غير 1250 اللى قاعدين، بيعملوا لقاءات وحوارات، معندناش مشكلة بلدنا مفتوحة للكل، لكن احترم القوانين المصرية، لا تسيء لسمعة الدولة المصرية، لا تفبرك، لا تنشر أخبارا كاذبة، ولا تساعد الجماعات الإرهابية والطابور الخامس».