قالت الفنانة دنيا عبد العزيز، مساء اليوم الخميس، إنها مع ارتداء الحجاب، لافتةً إلى رفضها ارتداء النقاب، مستكملةً: «أنا مع القرآن.. اللي مكتوب في القرآن أنا معاه». وإجابت على سؤال «ممكن في يوم من الأيام ترتدي الحجاب؟»؛ خلال حوارها ببرنامج «بالألوان الطبيعية»، عبر فضائية «دريم»، قائلةً، «يا رب.. لكن ده لازم يكون من قلبي، ويكون حجاب بجد، لازم وقتها أكون مِحترمة اللي أنا لابساه جدًا، ماينفعش يبقى منظر وبس». وأشارت إلى أنه حال ارتدائها الحجاب ستعتزل الفن، لأنها لا ترى إمكانية الجمع بين الحجاب والفن، مستطردةً: «لكن أنا هموت وأنا بشتغل الشغلانة دي.. أنا معنديش حاجة بحبها أكتر من الفن».